ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୨୮/୧) : ସ୍ଥାନୀୟ ଜି ଆଇ ଇ ଟି ବିଶ୍ଵବିଦ୍ୟାଳୟର ଛାତ୍ରଛାତ୍ରୀ କ୍ରୀଡା କ୍ଷେତ୍ରରେ ଅଦ୍ଭୁତ ପୂର୍ବ ସଫଳତା ଅର୍ଜନ କରିଛନ୍ତି । ୨ ଦଳ ଚମ୍ପିୟାନ ଓ ୪ ରନର୍ସ ଅପ୍ ଅର୍ଜନ କରିଛନ୍ତି ।
ଚଳିତ ମାସ ୨୪ ରୁ ୨୬ ତାରିଖ ପର୍ଯ୍ୟନ୍ତ ଏନ ଆଇ ଟି ରାଉରକେଲା ଠାରେ କ୍ରୀଡା ଉତ୍ସଵ “ଭ୍ରୀଧି-୨୦୨୫”ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗୀତାରେ ବିଶ୍ଵବିଦ୍ୟାଳୟର ଛାତ୍ରଛାତ୍ରୀ କ୍ରିକେଟ, ଭଲିବଲ, ବାସ୍କେଟ ବଲ୍, ଫୁଟବଲ, ବେଟ ମିଣ୍ଟେନ, ଟେବୁଲ୍ ଟେନିସ ଓ ଖୋ -ଖୋ (ପୁରୁଷ ଓ ମହିଳା) ପ୍ରଭୃତି ପ୍ରତିଯୋଗୀତା ରେ ସର୍ବ ମୋଟ ୯ ଗୋଟି ଦଳ ଅଂଶଗ୍ରହଣ କରିଥିଲେ । ଏଥିରେ କ୍ରିକେଟ ଓ ବାସ୍କେଟ ବଲରେ ଚାମ୍ପିଅନ ହୋଇଥିବା ବେଳେ ଭଲିବଲ, ଟେବୁଲ୍ ଟେନିସ ଓ ଖୋ -ଖୋ (ପୁରୁଷ ଓ ମହିଳା) ପ୍ରଭୃତି ଖେଳରେ ରନର୍ସ ହୋଇଥିଲେ ।
ବିଶ୍ବବିଦ୍ୟାଳୟର ଦଳ ଗୁଡ଼ିକର ମ୍ୟାନେଜର ଭାବେ ପ୍ରଫେସର୍ ପ୍ରକାଶ ରଞ୍ଜନ ସାହୁ, ଆଦିତ୍ୟ ମହାଙ୍କୁଲ ଓ ଅଧ୍ୟାପିକା ଝରଣା ମହାରଣା ଯୋଗଦେଇ ଥିଲେ । ଏହି ବିଜେତାଙ୍କୁ ଅନୁଷ୍ଠାନ ପକ୍ଷରୁ ମାନପତ୍ର ସହ ଟ୍ରଫି ପ୍ରଦାନ କରାଯାଇଥିଲା । ଏହି ଦଳ ଗୁଡ଼ିକୁ ବିଶ୍ଵବିଦ୍ୟାଳୟର ସଭାପତି ଡ଼ଃ ସତ୍ୟ ପ୍ରକାଶ ପଣ୍ଡା, ଉପ-ସଭାପତି ଡ଼ଃ ଚନ୍ଦ୍ରଧ୍ଵଜ ପଣ୍ଡା, ମହା ନିର୍ଦ୍ଦେଶକ ଡ଼ଃ ଜଗଦୀଶ ପଣ୍ଡା, ରେଜିଷ୍ଟ୍ରାର ଡ଼ଃ ଏନ ଭି ଜଗନାଧା ରାଓ , କ୍ରୀଡା ଅଧିକାରୀ ରବୀନ୍ଦ୍ର କୁମାର ପଣ୍ଡା, କ୍ରୀଡା ବିଭାଗର ଆବାହକ ଡ଼ଃ ଆଶିଷ ତିୱାରୀ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି ।
