ଗୁଣୁପୁର, (୧୦/୦୫) : ଆପ୍ର. : ସ୍ଥାନୀୟ ଜି ଆଇ ଇ ଟି ବିଶ୍ଵବିଦ୍ୟାଳୟର ଇଲେକ୍ଟ୍ରୋନିକ ଆଣ୍ଡ କମ୍ୟୁନିକେସନ ଇଞ୍ଜିନୟରିଙ୍ଗ୍ ବିଭାଗ ପକ୍ଷରୁ ଗତ ପାଞ୍ଚଦିନ ଧରି ଚାଲିଥିବା ଅଧ୍ୟାପକ ବିକାଶ କାର୍ଯ୍ୟକ୍ରମ ଉଦଯାପିତ ହୋଇଯାଇଛି ।
ଏହି କର୍ମଶାଳାରେ ବାଙ୍ଗାଲୋର ସ୍ଥିତ ଇଣ୍ଟୁପଲ୍ ଟେକ୍ନୋଲୋଜିର ଆପ୍ଲିକେସନ ଇଞ୍ଜିିନିୟର ପି ରାଜେନ୍ଦ୍ର କୁମାର ଏବଂ ସଞ୍ଜୟ କୁମାର ପ୍ରମୁଖ ଯୋଗଦେଇ କେଡେନ୍ସ ସଫ୍ଟୱେର ର ବ୍ୟବହାର, ଡିଜାଇନ୍ ଫ୍ଲୋ ଓ ତାହାର ଅନୁପ୍ରୟୋଗ ବିଷୟରେ ତାଲିମ ପ୍ରଦାନ କରିଥିଲେ । ଏହି ଅଧ୍ୟାପକ ବିକାଶ କାର୍ଯ୍ୟକ୍ରମରେ ସ୍କୁଲ ଅଫ ଇଞ୍ଜନିୟରିଂ ଆଣ୍ଡ ଟେକ୍ନୋଲୋଜି ଡିନ ଡ଼ଃ. ଡୁଲୁ ପଟ୍ଟନାୟକ ଯୋଗଦେଇ କର୍ମଶାଳାର ଉପଯୋଗିତା ବିଷୟରେ କହିଥିଲେ ।
ବିଶ୍ଵବିଦ୍ୟାଳୟର ରେଜିଷ୍ଟ୍ରାର ଡ଼ଃ ଏନ ଭି ଜେ ରାଓ ଙ୍କ ତତ୍ତ୍ୱାବଧାନରେ ଆୟୋଜିତ ଏହି କର୍ମଶାଳାରେ ଅନୁଷ୍ଠାନର ଅଧ୍ୟାପକ,ଅଧ୍ୟାପିକା, ଯୋଗ ଦେଇଥିଲେ । ବିଭାଗୀୟ ମୁଖ୍ୟ ଡ଼ଃ ବିଭୁ ପ୍ରସାଦ ସ୍ବାଗତ ଭାଷଣ ଦେଇ ଥିବା ବେଳେ ଆବାହକ ଜିତେନ୍ଦ୍ର କୁମାର ସ୍ବାଇଁ ଧନ୍ୟବାଦ୍ ଅର୍ପଣ କରିଥିଲେ । ଅଧ୍ୟାପକ ଡ଼ଃ ତୁଷାର କାନ୍ତ ପଣ୍ଡା ମଞ୍ଚ ପରିଚାଳନା କରିଥିଲେ ।
