ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୩/୦୧) : ମହାରାଷ୍ଟ୍ର ର ଶିବାଜି କମ୍ପ୍ଲେକ୍ସ ଜଳଗାଁଓ ଠାରେ ଜାତୀୟ ସ୍ତରରେ ୫-୧-୨୦୨୫ ରୁ ୯-୧-୨୦୨୫ ପର୍ଯ୍ୟନ୍ତ ଚାଳିଥିବା ୧୭ ବର୍ଷ ରୁ କମ ସଫ୍ଟବଲ ପ୍ରତିଯୋଗୀତାରେ ଓଡିଶା ତରଫରୁ ଅଂଶଗ୍ରହଣକରି ଚାମ୍ପିଅନ ହୋଇଥିବା ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଜୁଲୁଣ୍ଡା ଗ୍ରାମପଞ୍ଚାୟତ ଉଚ୍ଚ ବିଦ୍ୟାଳୟ ର ଛାତ୍ର ବାଦଲ ତାଣ୍ଡି ଓ ଛାତ୍ରୀ ପ୍ରିତୀ ମହାକୁର ନିଜ ଗ୍ରାମ ରେ ପହଞ୍ଚିବା ପରେ ସ୍କୁଲରେ ତାଙ୍କୁ ସମ୍ବର୍ଧିତ କରାଯାଇଥିଲା ।
ସ୍କଲ ର ପ୍ରଧାନ ଶିକ୍ଷକ ପ୍ରଫୁଲ୍ଲ କୁମାର ପଧାନ ଙ୍କ ଅଧ୍ୟକ୍ଷତାରେ ଓ ଖେଳ ଶିକ୍ଷକ ମନୋଜ ପାତ୍ରଙ୍କ ପରିଚାଳନାରେ ଆୟୋଜିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ପରିଚାଳନା କମିଟି ର ସଭାପତି ଜୟନ୍ତ କୁମାର ବେହେରା ଯୋଗଦେଇ ବାଦଲ ତାଣ୍ଡି ଓ ପ୍ରିତୀ ମହାକୁର ଙ୍କୁ ଫୁଲତୋଡ଼ା ଓ ଉପଢ଼ୌକନ ଦେଇ ସମ୍ବର୍ଧିତ କରିଥିଲେ । ଏଥିରେ ସ୍କୁଲ ର ଶିକ୍ଷକ ଦୟାସାଗର ପାଣ୍ଡିଆ, ଲିଙ୍ଗରାଜ ପଧାନ, ସରୋଜ କୁମାର ଭୁକ୍ତା, ଗଙ୍ଗାଧର ସାହୁ, ବୃନ୍ଦାବନ ସେଠ , ଦୌଲତ ଷ।ଣ୍ଡ ,କର୍ମଚାରୀ କନ୍ଦର୍ପ ପଧାନ, ମୋହନ ସାହୁ, ଶିରିସ ପଧାନ ପ୍ରମୁଖ ଉପସ୍ଥିତ ଥିଲେ ।
