ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୨୨/୦୨) : ମୁରିବାହାଲ ବ୍ଲକ ହଳଦୀ ହାଇସ୍କୁଲ ଖେଳ ପଡ଼ିଆଠାରେ ଜୟ ଡଙ୍ଗରବୁଢ଼ା ଫୁଟବଲ କପ୍ ପ୍ରଥମ ସେମି ଫାଇନାଲ ଖେଳ ହଳଦୀ ଇଵିଏଫଏ ଫୁଟବଲ୍ ଦଳ ଓ ସିହିନି ଫୁଟବଲ୍ ଦଳ ମଧ୍ୟରେ ଶନିବାର ଅନୁଷ୍ଠିତ ହୋଇଥିଲା ।
ସିହିନି ଫୁଟବଲ୍ ଦଳ କୁ ୨ ଗୋଲ ମାରି ହଳଦୀ ଇବିଏଫଏ ଫୁଟବଲ୍ ଦଳ ବିଜୟ ଲାଭକରୀ ଫାଇନାଲ ପାଇଁ ସ୍ଥାନ ଅଧିକାର କରିଥିଲା । ଜୟ ଡଙ୍ଗରବୁଢ଼ା ଫୁଟବଲ କପ୍ ପ୍ରଥମ ସେମି ଫାଇନାଲ ଖେଳରେ ମୁଖ୍ୟ ଅତିଥି ରୂପେ ଗଁରେଇ ବିଜେପି ମଣ୍ଡଳ ସଭାପତି ପ୍ରଦୀପ ବଛା ଯୋଗଦେଇଥିବାବେଳେ ସମ୍ମାନିତ ଅତିଥି କୋଶଲି ଏଜୁକେଟର ରିପୋର୍ଟର ତଥା ମୁରିବାହାଲ ବ୍ଲକ ଜର୍ଣ୍ଣାଲିଷ୍ଟ ଆସୋସିଏସନ୍ କୋଷାଧ୍ୟକ୍ଷ ନବିନ କୁମାର ତାଣ୍ଡି, ସମାଜସେବୀ ଜରବନ ବଗର୍ତ୍ତି, ସିଆରସିସି ବିଟାବନ୍ଧ କ୍ଳଷ୍ଟର ଲକ୍ଷପତି ହରପାଲ, ଶିକ୍ଷକ ଗୋପବନ୍ଧୁ ଦାସ, ଶିକ୍ଷକ ପିତାମ୍ବର ନାଗ, ଶିକ୍ଷକ ସୁବାଷ ପଟ୍ଟନାୟକ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ ।
ଆଜିକାର ଖେଳ ବହୁତ ସୁନ୍ଦର ଭାବରେ ହଳଦୀ ଇବିଏଫଏ ଫୁଟବଲ୍ ଦଳ ଓ ସିହିନି ଫୁଟବଲ୍ ଦଳ ମଧ୍ୟରେ ହୋଇଥିବା ବେଳେ ଶେଷ ପର୍ଯ୍ୟନ୍ତ ରୋମାଞ୍ଚକ ମଧ୍ୟ ହୋଇଥିଲା । ଆଜିକାର ଖେଳକୁ ରେଫରି ଆଶୀର୍ବାଦ ସା ଓ ସହଯୋଗୀ ରେଫରି ଭାବେ ପ୍ରତାପ ଭୁକ୍ତା ଓ ଆଶିଷ ଦେବା ସା ପରିଚଳନା କରିଥିଲେ ।
