ଟିଟିଲାଗଡରେ ବିଜେପିର ମିଶ୍ରଣ ପର୍ବ –  ଯୋଗଦେଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଟିଟିଲାଗଡରେ ବିଜେପିର ମିଶ୍ରଣ ପର୍ବ –  ଯୋଗଦେଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନିର୍ବାଚନ ଯେତିକି ପାଖେଇ ଆସୁଛି ସେତିକି ରୋମାଞ୍ଚକ ମୋଡ଼ ନେଉଛି ରାଜନୈତିକ ଅଭିସନ୍ଧି ପ୍ରଥମେ ବିଜେପି ପ୍ରାର୍ଥୀ ଶ୍ରୀ ନବିନ ଜୈନଙ୍କ ନାମାଙ୍କନ ଦାଖଲ ସମୟରେ ସହର ସାରା ଲୋକାରଣ୍ୟ ହୋଇଯାଇଥିବା ବେଳେ ତାହାକୁ କାଉଣ୍ଟର ହୋଇଥିଲା ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଓ ଟୁକୁନି ସାହୁଙ୍କ ନାମାଙ୍କନ ଦାଖଲ । ଇତି ମଧ୍ୟରେ ପ୍ରାୟ ଦିନ ଟିଟିଲାଗଡ ବିଜୁ ଜନତା ଦଳ କାର୍ଯ୍ୟାଳୟରେ ମିଶ୍ରଣ ପର୍ବ ଚାଲିଥିବା ବେଳେ କଂଗ୍ରେସ ଛାଡି ବିଜେଡିରେ ସାମିଲ ହୋଇଥିଲେ ସୁରେନ୍ଦ୍ର ସିଂ ଭୋଇ ଓ ବିଜେପିର ଆଶାୟୀ ପ୍ରାର୍ଥୀ ଶ୍ରୀ ମୁକେଶ ଜୈନ। ଯାହାକି ଟୁକୁନି ସାହୁଙ୍କ ଶକ୍ତି ବୃଦ୍ଧି ହେବା ସହ ସଂଗଠନ ଆହୁରି ମଜଭୂତ ହେଲା ବୋଲି ଲୋକେ ଆଲୋଚନା କରୁଥିଲେ ।

ବିଜେପି ନେତା ଶ୍ରୀ ନବିନ ଜୈନଙ୍କୁ ସମର୍ଥନ ଦେବା ପାଇଁ ଆଗକୁ ଆସିଥିଲେ ବିଜେପିର ଟାଣୁଆ ନେତା ଶୁଭ୍ରାଂଶୁ ଦାସ, ଗୁଡ଼ଭେଲା ବ୍ଲକର ଅଶୋକ ଦୋରା, ସଇଁତଳା ବ୍ଲକର ମହେନ୍ଦ୍ର ଠାକୁର ଶନିବାର ଦିନ ଟିଟିଲାଗଡରେ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ସାଂସଦ ପ୍ରାର୍ଥୀ ଶ୍ରୀମତି ସଙ୍ଗୀତା କୁମାରୀ ସିଂ ଦେଓଙ୍କ କାର୍ଯ୍ୟକ୍ରମ ରହିଥିଲା ।

ଏହି ଅବସରରେ ବିଜେପିରେ ଯୋଗ ଦେଲେ ବିଜେଡ଼ିର ଚାଣକ୍ୟ ବୋଲାଉଥିବା ଶ୍ରୀ ପ୍ରମୋଦ ପ୍ରଧାନ, ରାଜ୍ୟ ସରପଞ୍ଚ ସଙ୍ଘ ରାଜ୍ୟ କାର୍ଯ୍ୟକାରୀ ସଭାପତି ଶ୍ରୀ ବୀରବର ସାହୁ, ଭେଟରେନ୍ ପଞ୍ଚା ସାହୁ, ବିଜେଡି ଛାଡି ଥିବା ନାରୀ ନେତ୍ରୀ ଶ୍ରୀମତି ରଞ୍ଜୁ ରାଇମନ, ଆପ ପାର୍ଟି ଛାଡିଥିବା ନେତା ବିଜୟ ମେହେର, କୋଶଳ ସଂଗ୍ରାମୀ ରଞ୍ଜନ ଖୁଆସଙ୍କ ସମେତ ଟିଟିଲାଗଡ ନିର୍ବାଚନ ମଣ୍ଡଳୀର ବିଭିନ୍ନ ବ୍ଲକର ସରପଞ୍ଚ, ସମିତି ସଭ୍ୟ ଓ ବହୁ ମାନ୍ୟଗଣ୍ୟ ବ୍ୟକ୍ତି ଓ ଯୁବକ ଏହି ଅବସରରେ କେନ୍ଦ୍ର ମନ୍ତ୍ରୀ ନୂତନ ସଦସ୍ୟଙ୍କୁ ସ୍ଵାଗତ କରିବା ସହ ଏଥର ଓଡ଼ିଶାରେ ବିଜେପି ସରକାର ସୁନିଶ୍ଚିତ ବୋଲି କହିବା ସହ ଟିଟିଲାଗଡ଼ରେ ପରିବର୍ତ୍ତନ ହେବ ଓ ନବୀନ ଜୈନ ବିଜୟୀ ହେବେ ଓ ସାଂସଦ ଭାବେ ଶ୍ରୀମତି ସିଂ ଦେଓ ବିଜୟୀ ହୋଇ ବଲାଙ୍ଗୀର ଜିଲ୍ଲାର ଉନ୍ନତି କରିବେ ବୋଲି ମୁଁ କହୁଛି ବୋଲି ନିଜ ବକ୍ତବ୍ୟରେ କହିଥିଲେ ।

୧୦ ହଜାରରୁ ଉର୍ଦ୍ଧ୍ବ ଲୋକ ଆଜି ବିଜେଡି ଛାଡ଼ି ବିଜେପି ପରିବାରରେ ସାମିଲ ହେବା ଏକ ପରିବର୍ତ୍ତନର ସ୍ଵର୍ ବୋଲି କହିଥିଲେ ସାଂସଦ ପ୍ରାର୍ଥୀ ଶ୍ରୀମତି ସଙ୍ଗୀତା ସିଂ ଦେଓ । ଟିଟିଲାଗଡ ରାଜନୀତି ଏବେ ଜିଲ୍ଲା ତଥା ରାଜ୍ୟରେ ଚର୍ଚ୍ଚାର ବିଷୟ ପାଲଟି ବେଳେ ସ୍ଥାନୀୟ ବିଧାୟିକା ପ୍ରାର୍ଥୀ  ଟୁକୁନି ସାହୁଙ୍କ ବିଜେଡି ଗଡକୁ ଭାଙ୍ଗିବାରେ ଆଜିର ମିଶ୍ରଣ ପର୍ବ ବହୁତ ସହାୟକ ହେବ ବୋଲି ସାଧାରଣ ରେ ମତ ପ୍ରକାଶ ପାଇଛି ।