ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଯାଜପୁର, (୧୭/୦୨) : ଯାଜପୁରରେ ମର୍ମନ୍ତୁଦ ସଡକ ଦୁର୍ଘଟଣା । ଯାଜପୁର ଜିଲ୍ଲା ପାଣିକୋଇଲି ଥାନା କୃପାଳୁ ରାଇସ ମିଲ ନିକଟରେ ଦୁର୍ଘଟଣା ଘଟିଛି ।
ଏହି ଦୁର୍ଘଟଣାରେ କାରକୁ ଧକ୍କା ଦେଲା ଟ୍ରକ ଫଳରେ ୨ ଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣାରେ ଯାଜପୁର ପୋଲିସ DSP ବଳରାମ ନାୟକଙ୍କ ମୃତ୍ୟୁ ହୋଇଛି। DSP ବଳରାମ ନାୟକ କେନ୍ଦୁଝର ଘଟଗାଁ ଘରକୁ ଫେରୁଥିବା ସମୟରେ ଘଟିଛି ଦୁର୍ଘଟଣା । DSP ବଳରାମ ନାୟକଙ୍କ ସହ ତାଙ୍କ ସଂପର୍କୀୟଙ୍କର ମୃତ୍ୟୁ ହୋଇଛି । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି କରିଛି । ଅନ୍ୟପଟେ ଯାଜପୁର ଏସପି ୟସ ପ୍ରତାପ ଶ୍ରୀମଲ, ଯଯାତି କେଶରୀ ମେଡିକାଲ କଲେଜରେ ପହଂଚି ଘଟଣା ସମ୍ପର୍କରେ ଯାଞ୍ଚ କରୁଛନ୍ତି । କେଉଁ ପରିସ୍ଥିତିରେ ଦୁର୍ଘଟଣା ଘଟିଛି କାରଣ ଅସ୍ପଷ୍ଟ ରହିଛି ।
