ଟାଙ୍ଗୀ, (୨୬/୦୬) : ଆପ୍ର. : ଟ୍ରକ ପଛରେ ପିଟି ହେଲା ଯାତ୍ରୀବାହୀ ବସ । ୧୫ରୁ ଊର୍ଦ୍ଧ୍ବ ଯାତ୍ରୀ ଆହତ । ଗତକାଲି ରାତିରେ ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ଟାଙ୍ଗୀ ବାଇପାସର ପଥର ବନ୍ଧ ନିକଟରେ ଏଭଳି ଦୁର୍ଘଟଣା ଘଟିଛି ।
ବସର ଆଗ ଭାଗ ଭାଙ୍ଗି ରୁଜି ଚୂରମାର ହୋଇ ଯାଇଛି । ଯାତ୍ରୀବାହୀ ବସଟି ଭୁବନେଶ୍ୱରରୁ ଦାମନ ଯୋଡି ଯାଉଥିବା ବେଳେ ପଥର ବନ୍ଧ ନିକଟରେ ଏକ ଟ୍ରକ ହଠାତ ବ୍ରେକ ମାରିବା ସହ ୟୁ ଟର୍ଣ ନେବାରୁ ବସ ଚାଳକ ଭାରସାମ୍ୟ ହରାଇବାରୁ ଟ୍ରକ ପଛରେ ପିଟି ହୋଇଥିଲା । ଖବରପାଇ ଟାଙ୍ଗୀ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଆହତ ଯାତ୍ରୀ ଓ ଚାଳକଙ୍କୁ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛି । ଦୁର୍ଘଟଣାସ୍ଥଳରୁ ଟ୍ରକ ଫେରାର ହୋଇଯାଇଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି ।
