ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୩୦/୦୧) : ସୁବର୍ଣ୍ଣପୁର ଜିଲ୍ଲା ତରଭା ଥାନା ମେଣ୍ଡା ଫାଣ୍ଡି ଅଧିନସ୍ଥ ଦେଉଳପଦର ରାସ୍ତା ରେ ଡକାୟତି ଡକାୟତି ଘଟଣାରେ ୫ଜଣ କୁ ଗିରଫ କରି କୋର୍ଟ ଚାଲାଣ କରିଥିବା ତରଭା ପୁଲିସ ପକ୍ଷରୁ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୋନପୁର ଏସଡିପିଓ ପ୍ରତାପ ଚନ୍ଦ୍ର ତ୍ରୀପାଠୀ ସୂଚନା ଦେଇଛନ୍ତି ।
ତାଙ୍କ ସୂଚନା ଅନୁଯାୟୀ ଗତ ୨୭ ତାରିଖ ଦିନ ମେଣ୍ଡା ଗ୍ରାମରେ ଥିବା ମଦ ଭାଟି ନିକଟ ରାସ୍ତାରେ ପୃଥ୍ୱୀରାଜ ବାଗ ଏବଂ ଜଣେ ବ୍ୟକ୍ତି ଆସୁଥିବା ବେଳେ ୫ ଜଣ ଦୁର୍ବୃତ୍ତ ଅତର୍କିତ ଭାବରେ ଆକ୍ରମଣ କରିବା ସହ ଛୁରୀ ଦେଖାଇ ତାଙ୍କ ଠାରୁ ୧୧ହଜାର ଟଙ୍କା, ରୁପା ବ୍ରାସଲେଟ୍, ମୋବାଇଲ୍ ଛଡାଇ ନେଇଥିଲେ । ଘଟଣା ସମ୍ପର୍କରେ ପୃଥ୍ୱୀରାଜ ବାଗ ମେଣ୍ଡା ଫାଣ୍ଡିରେ ଲିଖିତ ଅଭିଯୋଗ କରିଥିଲେ । ଅଭିଯୋଗ କୁ ଭିତ୍ତିକରି ତରଭା ଥାନା ଆଇ ଆଇ ସି ଅନିତା କିଡୋ ଙ୍କ ନିର୍ଦ୍ଧେଶ କ୍ରମେ ଏସ ଆଇ ରବୀନ୍ଦ୍ର ସାହୁ ଓ ପୁଲିସ ଟିମ୍ ଉକ୍ତ ଅଞ୍ଚଳ ରେ ଚଢ଼ାଉ ଜାରି ରଖିଥିଲେ ।
ଡକାୟତି ଅଭିଯୋଗରେ ତରଭା ଥାନା ଅନ୍ତର୍ଗତ ମେଣ୍ଡା ଗ୍ରାମ ର କରଣ ହାତୀ (୧୯) , ମହେନ୍ଦ୍ର ସୁନା (୨୫),ରକି ହାତୀ (୧୯), ରାହୁଲ ନନ୍ଦ (୨୨)ଙ୍କ ସହ ବିନିକା ବ୍ଲକ କଉଡିଆମୁଣ୍ଡାର ଜଣେ ନାବାଳକ କୁ ଗିରଫ କରିବା ସହ ମୋବାଇଲ, ରୁପା ବ୍ରାସଲେଟ, ନଗଦ ୬୫୦୦ ଟଙ୍କା, ଓ ଛୁରୀ ଜବତ କରିଛି l ଜଣେ ନାବାଳକ ଓ ଅନ୍ୟ ୪ଜଣ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ସୋନପୁର ଏସଡିପିଓ ପ୍ରତାପ ଚନ୍ଦ୍ର ତ୍ରିପାଠୀ l ଏ ସମ୍ପର୍କ ରେ ତରଭା ଥାନା ରେ କେଶ ନମ୍ବର ୨୧/ତା ୨୮.୦୧.୨୫ ରେ ଏକ ମାମଲା ରୁଜୁ ହୋଇଛି I ଏହି ସାମ୍ବାଦିକ ସମ୍ମିଳନୀ ରେ ଆଇ ଆଇ.ସି ଅନିତା କିଡୋ, ଏସ ଆଇ ରବୀନ୍ଦ୍ର ସାହୁ ଙ୍କ ସହ ତରଭା ପୁଲିସ ର ସମସ୍ତ ଅଧିକାରୀ ଉପସ୍ଥିତ ଥିଲେ ।
