ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୮/୦୮) : କୋଲକାତା ର ଆରଜି ମେଡିକାଲ କଲେଜ ଓ ହସ୍ପିଟାଲ ରେ ଡାକ୍ତରୀ ଛାତ୍ରୀଙ୍କ ଉପରେ ଦୁଷ୍କର୍ମ ଓ ହତ୍ୟା ଘଟଣାର ପ୍ରତିବାଦ ରେ ସୋନପୁର ମୁଖ୍ୟ ଚିକିତ୍ସାଳୟର ଡାକ୍ତର ଓ ସମସ୍ତ କର୍ମଚାରୀଙ୍କୁ ନେଇ ଏକ ନିରବ କ୍ୟାଣ୍ଡେଲ ରାଲି ଅନୁଷ୍ଠିତ ହୋଇଯାଇଛି l
ଗତକାଲି ସନ୍ଧ୍ୟା ୬ ଟା ସମୟରେ ସୋନପୁର ମୁଖ୍ୟ ଡାକ୍ତଖାନାରର ଡାକ୍ତର ଓ ସମସ୍ତ କର୍ମଚାରୀ ସମୂହ କ୍ୟାଣ୍ଡେଲ ଜଳାଇ କୋଲକାତା ଠାରେ ଡାକ୍ତରୀ ଛାତ୍ରୀଙ୍କ ଉପରେ ହୋଇଥିବା ଗଣବଳାତ୍କlରର ପ୍ରତିବାଦ କରି ନିରବ ରାଲି କରିଥିଲେ ଓ ଦୋଷୀ ବିରୁଦ୍ଧରେ କଡା କାର୍ଯାନୁଷ୍ଠାନ ଗ୍ରହଣ ପାଇଁ ଭାରତ ସରକାରଙ୍କୁ ଦାବୀ ଜଣାଇଥିଲେ l ଏହି ରାଲିରେ ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡା. ଦୁର୍ଗାଦତ୍ତ ଦାସ ଓମସା ଜିଲ୍ଲା ସଭାପତି ଡା. ନରେନ୍ଦ୍ର କୁମାର ମେହେର, ସମ୍ପାଦକ ଡା. ନନ୍ଦିକିଶୋର ନାୟକ, ଏ ଡି ପି ଏଚ ଓ ଭିବିଡି ଡା. ଗୋପାଳ ଚନ୍ଦ୍ର ମଲ୍ଲିକ ସମସ୍ତ ସ୍ପେସିଆଲିଷ୍ଟ ଡାକ୍ତର ଓ ଡାକ୍ତରଖାନାର ସମସ୍ତ କର୍ମଚାରୀ ଅଂଶଗ୍ରହଣ କରିଥିଲେ l ଏହି ରାଲି ଜିଲ୍ଲା ମୁଖ୍ୟ ଡାକ୍ତରଖାନା ଠାରୁ ଆରମ୍ଭ ହୋଇ ବ୍ଲକ ଛକ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା l
