ଅନୁଗୁଳ, (୧୧/୦୪) : ଆପ୍ର. : ଡେରେଜାଙ୍ଗ ଡ୍ୟାମରେ ବୁଡ଼ି ଡାକ୍ତରୀ ଛାତ୍ରଙ୍କ ମୃତ୍ୟୁ। ସାଙ୍ଗ ମାନଙ୍କ ସହ ଡ୍ୟାମ ଭିତରେ ମଜା କରୁଥିବା ବେଳେ ଘଟିଛି ଏହି ଦୁଖଦଃ ଘଟଣା ।
ମୃତକ ଅନୁଗୁଳ ଟାଇଁଶି ଗାଁର ବୋଲି ଜଣ ପଡିଛି । ଖବରପାଇ ଜରପଡା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ କରୁଛି । ଏହି ଘଟଣା ପରେ ଟାଇଁଶି ଗାଁ’ରେ ଶୋକର ଛାୟା ଖେଳି ଯାଇଛି । ସୂଚନା ଅନୁସାରେ, ଅନୁଗୁଳ ଜିଲ୍ଲା ଟାଇଁଶି ଗାଁ’ର ରୁଲୁ ପ୍ରଧାନ ହାଇଦ୍ରାବାଦରେ ରହି ଡାକ୍ତରୀ ପଢୁଥିଲେ । କଲେଜ ଛୁଟି ଥିବାରୁ ଘରକୁ ବୁଲିବାକୁ ଆସିଥିଲେ । ଗାଁ’ରେ ପହଂଚିବା ପରେ ସାଙ୍ଗମାନଙ୍କ ସହ ବୁଲାବୁଲି କରିବା ପରେ ଡେରେଜାଙ୍ଗ ଡ୍ୟାମକୁ ବୁଲିବାକୁ ଯାଇଥିଲେ । ଏହି ସମୟରେ ହଠାତ ରୁଲୁଙ୍କର ଗୋଡ଼ ଖସିଯାଇଥିଲା ଆଉ ସେ ପାଣିରେ ବୁଡ଼ି ଯାଇଥିଲେ । ଏହାପରେ ସାଙ୍ଗମାନେ ତାଙ୍କୁ ଉଦ୍ଧାର କରିବା ଚେଷ୍ଟା କରିଥିଲେ ହେଲେ ସେତେ ବେଳକୁ ତାଙ୍କର ମୃତ୍ୟୁ ହୋଇସାରିଥିଲା ।
