ରିପୋର୍ଟ : ଧୃବରାଜ ମିଶ୍ର //
ସୁବର୍ଣ୍ଣପୁର (୧୫/୧୨) : ସୁବର୍ଣ୍ଣପୁର ଜିଲ୍ଲା ବିନିକା ଥାନା ତୁଲୁଣ୍ଡୁପାଲି ଗାଁ ନିକଟ ରାସ୍ତାକଡ଼ରେ ଶିଶୁକନ୍ୟାକୁ କେହି ଜନ୍ମ ଦେଇ ମାଟିରେ ପୋତି ଚାଲି ଯାଇଥିଲେ । ଭୋର ସମୟରେ ତୁଲୁଣ୍ଡୁପାଲି ଗାଁର କେତେକ ଲୋକ ଏହା ଦେଖି ସନ୍ତୋଷ ନଈ କୁ ଖବର ଦେବାରୁ ଘଟଣାସ୍ତଳକୁ ପହଞ୍ଚି ନବଜାତ ଶିଶୁକନ୍ୟାକୁ ମାଟି ଭିତରୁ ଗୁରୁତର ଅବସ୍ଥାରେ ଉଦ୍ଧାର କରି ସନ୍ତୋଷ ଓ ତାଙ୍କ ତ୍ସ୍ରୀ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ |
ପରେ ଅଧିକ ଚିକିତ୍ସା ପାଇଁ ତାକୁ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।ସୋନପୁର ସିଡ଼ବ୍ଳୁସି ସଭ୍ୟ ହେମନ୍ତ କୁମାର ସା ଓ ସାନ୍ତନୁ କର୍ଣ୍ଣ ଖବରପାଇ ସୋନପୁର ଡ଼ାକ୍ତରଖାନାକୁ ପହଞ୍ଚି ଶିଶୁକନ୍ୟାର ଚିକିତ୍ସା ବ୍ୟବସ୍ଥା କରିଥିଲେ ଶିଶୁ କନ୍ୟା ଟି ବର୍ତ୍ତମାନ ଶିଶୁ ବିଭାଗରେ ଚିକିତ୍ସାଧିନ ରହିଥିଲା ବେଳେ ତାହାର ସ୍ବାସ୍ଥ୍ୟବସ୍ତା ଠିକ ରହିଥିବା ସିଡ଼ବ୍ଳୁ ସି ସଭ୍ୟ ଶ୍ରୀ ସା ପ୍ରକାଶ କରିଛନ୍ତି ।
ସୁଚନା ଯୋଗ୍ୟ ତେବେ ସନ୍ତୋଷ ନଇ ଓ ତାଙ୍କ ପତ୍ନୀଙ୍କର ଦୀର୍ଘ ୧୫ ବର୍ଷହେଲା ସେମାନଙ୍କ ଔରସରୁ ପିଲା ଜନ୍ମ ହେଉନଥିବାରୁ ସ୍ୱାମୀ-ସ୍ତ୍ରୀ ଦୁହେଁ ଏଇ ଅଲୋଡ଼ା ଶିଶୁକନ୍ୟାକୁ କୋଳେଇ ନେବେ ବୋଲି କହିଛନ୍ତି I ଏଣୁ ଜିଲ୍ଳା ପ୍ରଶାସନ ଅଲୋଡ଼ା ଶିଶୁକନ୍ୟାକୁ ଲାଳନପାଳନ ଲାଗି ହସ୍ତାନ୍ତର କରିବାକୁ ତାଙ୍କ ପରିବାରକୁ ଦାୟିତ୍ୱ ଦେବାକୁ ଜିଲ୍ଳା ପ୍ରଶାସନକୁ ଆକୁଳ ନିବେଦନ କରିଛନ୍ତି ସନ୍ତୋଷ।
