ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୨୯/୦୧) : ସାହାରା ପାୱାର ପ୍ରକଳ୍ପ ତରଫରୁ ଟିଟିଲାଗଡ ନିକଟସ୍ତ ମାଲେଶିରା ଗ୍ରାମ ରେ ଏକ ମାଗଣା ସ୍ୱାସ୍ଥ୍ୟ ଚିକିତ୍ସା ଶିବିର ଆୟୋଜନ କରାଯାଆଇ ଥିବା ବେଳେ ଉକ୍ତ ଗ୍ରାମ ର ଭକଚନ ଘିବେଲା ଙ୍କୁ ଉକ୍ତ ଶିବିର ରେ ଏକ ତ୍ରୁଟି ପୂର୍ଣ୍ଣ ଇଞ୍ଜେକ୍ସନ ଦେଇ ଦେବାରୁ ଘଟଣା ସ୍ଥଳରେ ଶୋଚନୀୟ ମୃତ୍ୟୁ ବରଣ କରିଥିଲେ ।
ତ୍ରୁଟି ପୂର୍ଣ୍ଣ ଇଞ୍ଜେକ୍ସନ କାଳ ସାଜିଥିବା ବେଳେ ପରିବାର ଲୋକେ ଏଭଳି ଖାମ ଖିଆଲ ଭାବେ ଜଣଙ୍କ ଜୀବନ ଯିବା ନେଇ ବରଦାସ୍ତ୍ କରି ନ ଥିଲେ । ଉକ୍ତ ଆୟୋଜିତ ଶିବିର ର କାର୍ଯ୍ୟକର୍ତ୍ତା ଦୁଇ ତିନି ଲକ୍ଷ ଟଙ୍କା ଦେଇ ଘଟଣା ଚପେଇ ଦେବା ପ୍ରଲୋଭନ ଦେଖାଇବା ସହ ଓଲଟା କେସ ରେ ତମେ ପରିବାର ବର୍ଗ ଙ୍କୁ ଜେଲ ହେଇଯିବ ଭଳି ଧମକ ଦେଇ ଥିଲେ ।
ଦିନ ମଜୁରି କରି ପେଟ ପୋଷିବା ଓ ଘରର ମୁଖ୍ୟ ଙ୍କ ମୃତ୍ୟୁ ନେଇ ମୃତ ଭକଚନ ଘିବେଲା ଙ୍କ ପରିବାର ଲୋକେ ନ୍ୟାୟିକ ପ୍ରକ୍ରିୟା ଉପରେ ବିଶ୍ୱାସ ରଖି ଅଦାଲତ ର ଦ୍ବାରସ୍ଥ ହୋଇ ଥିଲେ । ବଲାଙ୍ଗୀର ଜିଲ୍ଲା ଅଦାଲତ ରେ ଏହି ମାମଲା ନେଇ କେଶ ଦାୟର କରିବା ଓ ପରେ ହାଇ କୋର୍ଟ ରେ ବାରମ୍ବାର ତାରିଖ ଅନୁଯାୟୀ କେସ ଲଢି ବିଜୟ ଲାଭ ବା ଡିଗ୍ରୀ ହାସଲ କରିଥିଲେ । ଗରିବ,ସରଳ,ନିରୀହ ଏହି ପରିବାର ଧାର, କରଜ କରି କୋର୍ଟ ରୁ ଡିଗ୍ରୀ ଆଣି ବଲାଙ୍ଗୀର ଅଦାଲତ କୁ ଆସିଥିଲେ । ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଧିକାରି ଙ୍କୁ ଅଦାଲତ ର ବିଚାର ପତି ତୁରନ୍ତ ତିନି ଲକ୍ଷ ଟଙ୍କା କ୍ଷତି ପୂରଣ ପ୍ରଦାନ ନିର୍ଦ୍ଦେଶ ଦେଇ ଥିଲେ । ଅଦାଲତ ରୁ ବାରମ୍ବାର ନିର୍ଦ୍ଦେଶ ସତ୍ତ୍ୱେ ସେ ବର୍ତ୍ତମାନ ସୁଦ୍ଧା ହାଜର ନ ହେବା ନେଇ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଙ୍କୁ କେସ ନ ୧୩/୨ ଅନୁଯାୟୀ ଜାମିନ ବିହୀନ ଗିରଫ ପରୱାନା ଜାରି କରାଯାଇଛି ।
ଏବେ ଉକ୍ତ ପରିବାର ଲୋକେ ପରିବାର ର ଜଣଙ୍କୁ ହରାଇ ଥିବା ଓ ଦୋଷୀ ଦଣ୍ଡ ପାଉ ସେ ନେଇ ଅପେକ୍ଷା କରି ବର୍ଷ,ବର୍ଷ ବିତି ଆସୁଥିବା ବେଳେ ଏବେ ନିରାଶ ହୋଇ ଭଗବାନ ଙ୍କ ଉପରେ ଛାଡି ଦେଇଥିବା ଦୁଃଖ ର ସହ ପ୍ରକାଶ କରିଛନ୍ତି । ସରକାରୀ ନ୍ୟାୟିକ ବ୍ୟବସ୍ଥା କେବଳ ଧନୀ ଲୋକ ଙ୍କ ପାଇଁ ଆମେ ଗରିବ ବୋଲି ଉକ୍ତ ସରକାରୀ ବାବୁ ମାନେ ପୋଲିସ କୁ ହାତ କରି ଗିରଫ ନ କରି କେବଳ ଦିନ ଗଡ଼େଇ ଚାଲି ଥିବା ବେଳେ ନିଜ ଝାଳ ବୁହା ଟଙ୍କା ଖର୍ଚ୍ଚ କରି ଅଦାଲତ କୁ ଧାଇଁବା ସାର ହୋଇଛି ବୋଲି ଆଇନ ଉପରେ ବିଶ୍ୱାସ ନ ଥିବା ଅଭିଯୋଗ କରିଛନ୍ତି ।
ଉକ୍ତ ଶିବିର ରେ ବଡ,ବଡ ସରକାରୀ ଡାକ୍ତର ଓ ବିଭିନ୍ନ ପଦାଧିକାରୀ ଙ୍କ ଉପସ୍ଥିତି ରେ ଏଭଳି ଭୁଲ କରିବା ନେଇ ନ୍ୟାୟ ପାଇବା ଆଶାରେ ଥାଇ ନିରାଶ ହୋଇ ପଡିଥିବା ବେଳେ ମଙ୍ଗଳବାର ଦିନ ଧାର୍ଯ୍ୟ ତାରିଖ ଥିବା ବେଳେ ଜିଲ୍ଲା ମୁଖ୍ୟ ଚିକିତ୍ସାଧିକାରି ହଜାର ହୋଇ ନ ଥିଲେ । ଏ ନେଇ ସାଧାରଣ ଲୋକ ଙ୍କ ନ୍ୟାୟିକ ବ୍ୟବସ୍ଥା ଉପରେ ଆସ୍ଥା ଅତୁଟ ରହିବା ପାଇଁ ଯଥା ଶୀଘ୍ର ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଦୃଢ଼ ଦାବି ହୋଇଛି ।
