ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ସୁବର୍ଣ୍ଣପୁର, (୧୩/୦୨) : ବିନିକା ଥାନା ବାରାକରେ ପୁଲିସ କର୍ମଚାରୀଙ୍କ ମୃତ୍ୟୁ। ସୁବର୍ଣ୍ଣପୁର ଜିଲ୍ଲା ବିନିକା ଥାନା ପୁଲିସ୍ ବାରାକରେ ଜଣେ ରିଜର୍ଭ ପୁଲିସ୍ କର୍ମଚାରୀଙ୍କର ସନ୍ଦେହଜନକ ଭାବେ ମୃତ୍ୟୁ ଘଟିଛି ।
ମୃତକ ଦିଲ୍ଲୀପ କୁମାର ମିଶ୍ର ବୋଲି ଜଣାପଡିଛି । ବିନିକା ସହରରେ ପାପକ୍ଷୟ ଲୋକ ମହୋତ୍ସବ ଚାଲିଥିବାବେଳେ ସେଠାକୁ ସେ ଡ୍ୟୁଟିରେ ଆସିଥିଲେ । ଗତକାଲି ଡ୍ୟୁଟି ସରିବା ପରେ ଦିଲ୍ଲୀପ୍ ପୁଲିସ୍ ବାରାକକୁ ଯାଇ ଶୋଇଥିଲେ। ସକାଳୁ ଅନ୍ୟ ପୁଲିସ୍ କର୍ମଚାରୀମାନେ ତାଙ୍କୁ ଉଠାଇବା ବେଳେ ସେ ଉଠିନଥିଲେ । ପରେ ଏ ନେଇ ଡାକ୍ତରଙ୍କୁ ଖବର ଦିଆଯାଇଥିଲା । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ବର୍ତ୍ତମାନ ପର୍ଯ୍ୟନ୍ତ ମୃତ୍ୟୁର କାରଣ ଜଣାପଡିନଥିବାବେଳେ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ଉଠା ଯିବା ନେଇ ସୂଚନା ମିଳିଛି ।
