ଭୁବନେଶ୍ବର, (୦୩/୦୬) : ଆପ୍ର. : ଦିନ ଦ୍ବିପ୍ରହରେ ମୋଟରସାଇକେଲ ଡିକି ଭାଙ୍ଗି ଲୁଟିଲେ ଦୁର୍ବୃତ୍ତ ।
ସୋମବାର ଦ୍ବିପ୍ରହର ସାଢେ ୧୨ଟା ସମୟରେ ସଇଁନ୍ଦା ବଜାର ହନୁମାନ ନିକଟରେ ଥିବା ଏକ ମୋଟରସାଇକେଲ ଡିକି ଭାଙ୍ଗି ଦରକାରୀ କାଗଜପତ୍ର ଲୁଟିନେଇଛନ୍ତି କିଛି ଲୁଟେରା । ବାଇକ ନମ୍ବର ଓଡି୦୨ ବିଏଫ୍ ୧୯୪୬ ହୋଇଥିବାବେଳେ ଏହା ଫୁଲନଖରାର ଗଜେନ୍ଦ୍ର କୁମାର ସାମନ୍ତରାୟଙ୍କର ବୋଲି ଜଣାପଡିଛି । ସେ ହନୁମାନ ମନ୍ଦିର ନିକଟରେ ବାଇକ୍ ଥୋଇ ନିକଟରେ କିଛି ଜରୁରୀ କାମ ପାଇଁ ଯାଇଥିବା ସମୟରେ କିଛି ଯୁବକ ମୁହଁରେ ରୁମାଲ ବାନ୍ଧି ଆସି ବାଇକ ଡିକି ଭାଙ୍ଗି ଏକ ଫାଇଲ୍ ନେଇଯାଇଥିଲେ । ଫାଇଲରେ ଜରୁରି କାଗଜପତ୍ର ଥିବାସହ କିଛି ଜମି ପଟ୍ଟା ମଧ୍ୟ ଥିବା ସୂଚନା ଦେଇଛନ୍ତି ଗଜେନ୍ଦ୍ର । ଏନେଇ ସେ ଥାନାରେ ଲିଖିତ ଅଭିଯୋଗ କରିଛନ୍ତି ।
