ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୦୯/୦୧) : ଦିବ୍ୟାଙ୍ଗ ଶିଶୁମାନଙ୍କ ପିତାମାତା ଓ ପ୍ରଧାନ ଶିକ୍ଷକଙ୍କ ତାଲିମ ଶିବିର ଅନୁଷ୍ଠିତ ।
ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅନ୍ତର୍ଗତ ଆରିଗାଁ ସରକାରୀ ପ୍ରାଥମିକ ବିଦ୍ୟାଳୟ ଠାରେ ଦିବ୍ୟାଙ୍ଗ ଶିଶୁ ମାନଙ୍କ ପିତା ମାତା ଓ ପ୍ରଧାନ ଶିକ୍ଷକଙ୍କୁ ନେଇ ଏକଦିବସୀୟ ତାଲିମ ଶିବିର ପ୍ରଧାନ ଶିକ୍ଷକ ଧୀରେନ୍ଦ୍ର କୁମାର ପଣ୍ଡା ଙ୍କ ତତ୍ବାବଧାନ ତଥା ବିଆରଟି ଚୌଧୁରୀ ତ୍ରିପାଠୀ ଙ୍କ ଆୟୋଜିତ ଶିବିରରେ ସିଆରସିସି ଅନନ୍ତ କୁମାର ପଣ୍ଡା,ଆର୍ତ୍ତତ୍ରାଣ ପଶାୟତ ସାଧନ କର୍ମୀ, ଅରିଗାଁ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଧନ୍ଵନ୍ତରୀ ନାରାୟଣ ବିଶି ମୁଖ୍ୟ ବକ୍ତା ,ସାମ୍ବାଦିକ ଧ୍ରୁବରାଜ ମିଶ୍ର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।
ଏହି ତାଲିମ ଶିବିରରେ ବାଙ୍କିଘିର୍ଡି ଓ ସିନ୍ଦୁରପୁର କ୍ଲଷ୍ଟର ର ଅଭିଭାବକ ସହ ପ୍ରଧାନ ଶିକ୍ଷକ ମାନେ ଯୋଗଦାନ କରିଥିଲେ । ଏହି ପ୍ରଶିକ୍ଷଣ ଶିବିରରେ ଦିବ୍ୟାଙ୍ଗ ଛାତ୍ର ଛାତ୍ରୀ ସାମଗ୍ରିକ ଉନ୍ନତି ପାଇଁ ପିତା ମାତା ଓ ଅଭିଭାବକ ଙ୍କ ଭୂମିକା ,ବିଭିନ୍ନ ସରକାରୀ ଯୋଜନାର ଉପଲବଧତା ,ପ୍ରସସ୍ଥ ଆପ୍ ର ବ୍ୟବହାର ଓ ଅନ୍ତର୍ଭୁକ୍ତିକରଣ ଶିକ୍ଷା ଉପରେ ଆଲୋକପାତ କରାଯାଇଥିଲା । ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ବିଭିନ୍ନ ଦାୟିତ୍ଵମାନ ତୁଲାଇଥିଲେ । ଆଖିଦାଦର ସ୍କୁଲ ର ପ୍ରଧାନ ଶିକ୍ଷକ ରାଧେଶ୍ୟାମ ସେଠୀ ଧନ୍ୟବାଦ ଅର୍ପଣ କରିଥିଲେ ।
ସେହିପରି ଏହି ବ୍ଲକ ଅନ୍ତର୍ଗତ ସିଙ୍ଗିଯୁବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଦିବ୍ୟାଙ୍ଗ ଶିଶୁ ମାନଙ୍କ ପିତା ମାତା ଓ ପ୍ରଧାନ ଶିକ୍ଷକଙ୍କୁ ନେଇ ଏକଦିବସୀୟ ତାଲିମ ଶିବିର ସ୍ଥାନୀୟ ବିଦ୍ୟାଳୟର ପ୍ରଧାନ ଶିକ୍ଷକ ରାଜକୁମାର ମହାକୁର ଙ୍କ ସଭାପତିତ୍ବ ରେ ଅନୁଷ୍ଠିତ ହୋଇଯାଇଛି । ଶିବିରରେ ବାଙ୍କିଘିର୍ଡି କ୍ଲଷ୍ଟର ସିଆରସିସି ଦଶମ ମେହେର ମୁଖ୍ୟ ଅତିଥି , ପଲସାପାଲି ଉ:ପ୍ରା ବିଦ୍ୟାଳୟର ପ୍ରଧାନ ଶିକ୍ଷକ ରୋହିତାଶ୍ଵର ପଧାନ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ତାଲିମ ଶିବିରରେ ସିଂଘିଯୁବା ଓ ପଲସାପାଲି କ୍ଲଷ୍ଟର ର ପ୍ରାୟ ୪୦ ଜଣ ପିତା ମାତା ସହ ପ୍ରଧାନ ଶିକ୍ଷକ ମାନେ ଯୋଗଦାନ କରିଥିଲେ । ଏହି ପ୍ରଶିକ୍ଷଣ ଶିବିରରେ ଦିବ୍ୟାଙ୍ଗ ଛାତ୍ର ଛାତ୍ରୀ ସାମଗ୍ରିକ ଉନ୍ନତି ପାଇଁ ପିତା ମାତା ଓ ଅଭିଭାବକ ଙ୍କ ଭୂମିକା ,ବିଭିନ୍ନ ସରକାରୀ ଯୋଜନାର ଉପଲବଧତା ,ପ୍ରସସ୍ଥ ଆପ୍ ର ବ୍ୟବହାର ଓ ଅନ୍ତର୍ଭୁକ୍ତିକରଣ ଶିକ୍ଷା ଉପରେ ଆଲୋକପାତ କରାଯାଇଥିଲା ।
ବିଆରଟି ଚୌଧୁରୀ ତ୍ରିପାଠୀ ଙ୍କ ଦ୍ଵାରା ପରିଚାଳିତ ସଭାରେ ଆର୍ତ୍ତତ୍ରାଣ ପଶାୟତ ସାଧନକର୍ମି ଦାୟିତ୍ଵ ,ବିଦ୍ୟାଳୟର ଶିକ୍ଷକ ହୃଦାନନ୍ଦ ପଧାନ ,ଦୟାସାଗର ପଧାନ ,ବିକାଶ କୁମାର ବାରିକ ,ଶିକ୍ଷୟତ୍ରୀ କ୍ରୀଷ୍ଣାମୟୀ ମହତ୍ତମ,ରଞ୍ଜୁ ଦାସ ବିଭିନ୍ନ ଦାୟୀତ୍ଵମାନ ଶିବିରରେ ତୁଲାଇଥିଲେ । ବିଦ୍ୟାଳୟର ଖେଳ ଶିକ୍ଷକ ଉମାକାନ୍ତ ରଣା ଧନ୍ୟବାଦ ଅର୍ପଣ କରିଥିଲେ ।
