ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୨୨/୦୧) : ରାୟଗଡା ଜିଲ୍ଲା ମୁନିଗୁଡ଼ା ବ୍ଲକ ଅନ୍ତର୍ଗତ ଭୂମିଖୋଲ ଗ୍ରାମ ପଂଚାୟତ ଓ ପ୍ରାୟ 5T ଗ୍ରାମର ଡଙ୍ଗରିଆ କନ୍ଧ ମାଆ ମାନେ ଏସପି ଙ୍କ ଦ୍ବାରସ୍ଥ ହୋଇଛନ୍ତି।
ମୁନିଗୁଡ଼ା ପୂର୍ବତନ ଡକ୍ଟର ସବ୍ୟସାଚୀ ମହାପାତ୍ର ଓ ପୂର୍ବତନ ଜିଲ୍ଲା ଶ୍ରମ ଅଧିକାରୀ ଶୁଭ ଦର୍ଶିନି ସାହୁଙ୍କ ବିରୁଦ୍ଧରେ ସଙ୍ଗୀନ ଅଭିଯୋଗ ଆଣିଛନ୍ତି । ଗତ ଦିନରେ ଡଙ୍ଗରିଆ କନ୍ଧମାନଙ୍କ ମୃତ୍ୟୁ କାଳୀନ ସହାୟତା ରାଶି କୁ ହେରଫେର କରିଛନ୍ତି । ଥରେ ନୁହେଁ ଦୁଇ ଦୁଇ ଥର ମୃତ୍ୟୁ କାଳୀନ ସହାୟତା ରାଶି କୁ ହେରଫେର କରିଛନ୍ତି ବୋଲି ଅଭିଯୋଗ କରିଛନ୍ତି । ଏହି ବାବଦରେ ପୁର୍ବତନ ଡଃ ସବ୍ୟସାଚୀ ମହାପାତ୍ର ଏବଂ ପୁର୍ବତନ ଶ୍ରମ ଅଧିକାରୀଣି ଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଥିଲେ। ଯଦି ଏହି ମାମଲାରେ ତୁରନ୍ତ କୌଣସି ଆଖି ଦୃଷିଆ ପଦକ୍ଷେପ ଗ୍ରହଣ ନ କରିଲେ, ଆଗାମୀ ଦିନରେ ଡଙ୍ଗରିଆ କନ୍ଧମାନେ ରାଜରାସ୍ତାକୁ ଓହ୍ଲାଇବେ ଏବଂ ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟଳୟ ସମ୍ମୁଖରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି । ଜିଲ୍ଲା ବହୁଜନ ସମାଜ ପାର୍ଟି ଜିଲ୍ଲା ସଭାପତି ଜିତୁ ଜାକାସିକା ଡଙ୍ଗରିଆ କନ୍ଧମାନଙ୍କ ସହ ମିଶି ଆରକ୍ଷୀ ଅଧିକ୍ଷକଙ୍କୁ ଦାବି ପତ୍ର ପ୍ରଦାନ କରିଥିଲେ ।
