ରାୟଗଡ଼ା, (୧୩/୩) : ଆ.ପ୍ର. : ରାୟଗଡ଼ା ରିଙ୍ଗରୋଡ଼ସ୍ଥିତ ମଙ୍ଗଳା ମନ୍ଦିରର ପରିଚାଳନା ଦାୟିତ୍ୱ ଦେବୋତ୍ତର ବିଭାଗ ଅଧିନକୁ ଗଲା ।
ଏନେଇ ବ୍ରହ୍ମପୁରସ୍ଥିତ ସହକାରୀ ଏଣ୍ଡୋମେଣ୍ଟ କମିଶନରଙ୍କ ଅଫିସ ପକ୍ଷରୁ ମନ୍ଦିର କମିଟି ଗଠନ ପାଇଁ ନିର୍ଦ୍ଦେଶ ଦିଆଯାଇଛି। ଆଇନଜୀବୀ ତଥା ମନ୍ଦିର ପରିଚାଳନା କମିଟି ସଦସ୍ୟ ବିନାୟକ କରଙ୍କ ସଭାପତିତ୍ୱରେ ପରିଚାଳନା କମିଟି ଗଠନ କରାଯାଇ ଦେବୋତ୍ତର ବିଭାଗକୁ ପ୍ରଦାନ କରାଯାଇଛି । ମନ୍ଦିର ପରିଚାଳନା କମିଟିରେ ୧୧ଜଣ ସଦସ୍ୟ ରହିଛନ୍ତି । ରାଜେନ୍ଦ୍ର ସାହୁ ମନ୍ଦିର ପରିଚାଳନା କମିଟି ଅଧ୍ୟକ୍ଷ ଭାବେ ସର୍ବସମ୍ମତି କ୍ରମେ ଚୟନ ହୋଇଛନ୍ତି ।
ଅନ୍ୟମାନଙ୍କ ମଧ୍ୟରେ ବିନାୟକ କର, ରବିନ୍ଦ୍ର ପଣ୍ଡା, ମଞ୍ଜୁ ମୁଖାର୍ଜୀ, ରାମନାଥ ପୁରୋହିତ,ପୁଷ୍ପଭାନୁ ଦାସ, ଗୋପିନାଥ ଗୌଡ଼, ନରେଶ ପଟନାୟକ, ରାମକୃଷ୍ଣ ପଣ୍ଡା, ଲଳିତ ଜେନା ଓ ରଞ୍ଜିତ ବିଶୋଇଙ୍କ ସମେତ ଅନ୍ୟମାନେ କମିଟିର ସଦସ୍ୟ ରହିଛନ୍ତି । ଦେବୋତ୍ତର ବିଭାଗ ଦ୍ୱାରା ପରିଚାଳନା ହେବା ଦ୍ୱାରା ମନ୍ଦିରର ଉନ୍ନତି ଓ ବିକାଶ ହେବ ବୋଲି କମିଟି ଅଧ୍ୟକ୍ଷ ରାଜେନ୍ଦ୍ର ସାହୁ କହିଛନ୍ତି।
