ସମ୍ବଲପୁର, (୨୯/୦୬) : ଆପ୍ର. : ସମ୍ବଲପୁର ଜିଲ୍ଲା ଅବକାରୀ ବିଭାଗ ତରଫରୁ ଚୋରା ଚାଲାଣ ହେଉଥିବା ଏକ ଧଳା ଜହର (ବ୍ରାଉନ ସୁଗାର) ଗ୍ୟାଙ୍ଗକୁ ଧରାଯାଇଛି ।
ବିଭାଗୀୟ ସୁଚନା ଅନୁଯାୟୀ, ଧଳା ଜହର ଚାଲାଣ ହେଉଥିବାର ଖବର ପାଇ ଧନୁପାଲି ପୁଲିସ ସହାୟତାରେ ସ୍ଥାନୀୟ ଜେଲଖାନା ଛକ ଠାରେ ଯାଞ୍ଚ କରାଯାଇଥିଲା । ସେହି ସମୟରେ ଏକ ଦାମିକୀଆ କାରକୁ ଅଟକାଇ ତନଖି କରାଯାଇଥିଲା। ଯାଞ୍ଚ ସମୟରେ ବରଗଡ଼ ଜିଲ୍ଲା ନିବାସୀ ଚୈତନ୍ୟ ମଲ୍ଲିକ (୩୫), ସୁଶାନ୍ତ ବାରିକ (୨୪), ଗିରିଜା ଶଙ୍କର ତ୍ରିପାଠୀ (୪୪) ଏବଂ ହେମନ୍ତ ଦେବତା (୫୧)ଙ୍କ ନିକଟରୁ ୩୭ ଗ୍ରାମ ଧଳା ଜହର ଏବଂ ଗୋଟିଏ ସ୍ମାର୍ଟ ମୋବାଇଲ ଫୋନ ଜବତ କରାଯାଇଥିଲା। ଏଣୁ ଏକ ମାମଲା ରୁଜୁ କରାଯାଇ ଧଳା ଜହର, କାର ଓ ମୋବାଇଲ ଫୋନ ଗୁଡିକୁ ଜବତ କରାଯାଇଥିବା ବେଳେ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇ ଅଦାଲତକୁ ଚାଲାଣ କରାଯାଇଛି ବୋଲି ଅବକାରୀ ବିଭାଗ ସୂଚନା ପ୍ରଦାନ କରିଛି ।
