ଛତ୍ରପୁର, (୨୮/୦୫) :ଆପ୍ର. : ନକଲି ଡାକ୍ତର ଦଶମ ପାସ କରିସାରି କୋଲକାତା ଅଂଚଳରୁ ଓଡିଶା ଆସି ଗଞ୍ଜାମ ଜିଲ୍ଲା ଆର୍ଯ୍ୟପଲ୍ଲୀ ଅଞ୍ଚଳରେ କରିଥିଲେ କ୍ଲିନିକ ।
ଗ୍ରାମରେ କେହି ଅସୁସ୍ଥ ହେଲେ ତାଙ୍କୁ ଚିକିତ୍ସା ପ୍ରଦାନକରି ଇଞ୍ଜେକେସନ ଓ ମେଡ଼ିସିନ ପ୍ରଦାନ କରୁଥିବା ଜଣେ ନକଲି ଡାକ୍ତରଙ୍କୁ ଗିରଫ କରିଛି ଆର୍ଯ୍ୟପଲ୍ଲୀ ଥାନା ପୋଲିସ । ନକଲି ଡାକ୍ତରଙ୍କ ଏହି ଚିକିତ୍ସା ଦ୍ୱାରା କେହି କେହି ଗୁରୁତର ହେଉଥିବା ମଧ୍ୟ ଅଭିଯୋଗ ହେଉଥିଲା । ଏହି ପରିପ୍ରେକ୍ଷୀରେ ଆର୍ଯ୍ୟପଲ୍ଲୀ ଥାନା ପୋଲିସ ଜଣେ ନକଲି ଡାକ୍ତରଙ୍କୁ ଗିରଫକରି କୋର୍ଟଚାଲାଣ କରିଥିବା ସୂଚନା ମିଳିଛି । ଗିରଫ ନକଲି ଡାକ୍ତର ଜଣକ ହେଲେ ପ୍ରସନ୍ନଜିତ ସରକାର । ପ୍ରସନ୍ନଙ୍କ ପାଖରେ କୌଣସି ପ୍ରମାଣପତ୍ର ନଥିବା ନେଇ ପୋଲିସ ଜାଣିବାପରେ ତାଙ୍କୁ ଗିରଫ କରି ଥାନାରେ ୬୬/୨୦୨୫ ରେ ଏକ ମାମଲା ରୁଜୁ କରିଥିବା ସୂଚନା ମିଳିଛି ।
