ବଲାଙ୍ଗୀର/ଟିଟିଲାଗଡ଼, (୨୮/୦୪) : ଆପ୍ର. : ପୋଲିସ ଡ୍ରେସ୍ ପିନ୍ଧି ନିଜକୁ ପୋଲିସ କହି ଟଙ୍କା ଠକେଇ ମାମଲାରେ ଜଣେ ଅଭିଯୁକ୍ତ ଗିରଫ ହୋଇଛି ।
ଟିଟିଲାଗଡ଼ ଜିଲ୍ଲା ଉପଖଣ୍ଡ ମୁଖ୍ୟ ଡାକ୍ତରଖାନା କୁ ନିଜର ଜଣେ ସମ୍ପର୍କୀୟ ଙ୍କ ଚିକିତ୍ସା କରିବା ନିମନ୍ତେ କେସିଙ୍ଗା ପାଖର ପ୍ରଦିପ କୁମାର ନାମକ ଜଣେ ବ୍ୟକ୍ତି ଆସିଥିଲେ । ରବିବାର ଦିନ ଦ୍ୱିପହର ସମୟ ପ୍ରାୟ ୨ ଘଣ୍ଟା ୩୦ ମିନିଟ ସମୟରେ ସେ ନିକଟସ୍ତ ମହାରାଜ ସାଗର ପୋଖରୀ କୁ ଯାଇଥିଲେ । ଉକ୍ତ ସମୟ ରେ ଜଣେ ଅଜଣା ବ୍ୟକ୍ତି ପ୍ରଦୀପ ଙ୍କୁ ଅଟକାଇ ନିଜକୁ ପୋଲିସ କହି ତାଙ୍କ ଠାରୁ ଟଙ୍କା ମାଗିଥିଲେ । ପ୍ରଦୀପଙ୍କ ପାଖରେ ଟଙ୍କା ନ ଥିବାରୁ ଫୋନ ପେ ଜରିଆରେ ୭୦୦ ଟଙ୍କା ଏକ ନମ୍ବରକୁ ପଠାଇବା କୁ କହି ଥିଲା । ମୋବାଇଲ ଫୋନ ରେ ଟଙ୍କା ପଠେଇବା ପରେ ଉକ୍ତ ମୋବାଇଲ କୁ ଏକ ଧାରୁଆ ଛୁରୀ ଦେଖାଇ ଉକ୍ତ ମୋବାଇଲ ଲୁଟି ନେଇ ଚମ୍ପଟ ମାରିଥିଲା । ଏ ନେଇ ଘଟଣା ଘଟିବା ପରେ ତୁରନ୍ତ ଟିଟିଲାଗଡ଼ ଥାନାକୁ ଯାଇ ଲିଖିତ ଅଭିଯୋଗ କରିଥିଲେ ପ୍ରଦୀପ ।
ଏହି ଖବର ପାଇ ଥାନାଧିକାରୀ କଲ୍ୟାଣୀ ବେହେରା ଏସ ଆଇ ହୀରା ଖାଲକୋ, ଏ ଏସ ଆଇ କାର୍ତ୍ତିକ ପ୍ରଧାନ, କପୁର ଚନ୍ଦ ପଧାନ, ହୋମ ଗାର୍ଡ ବୀଭିସନ୍ ସାହୁ ଓ ଅନ୍ୟ ପୋଲିସ ଟିମ ଘଟଣା ସ୍ଥଳ କୁ ଯାଇ ତଦନ୍ତ ଆରମ୍ଭ କରିଥିଲେ । ସହର ରେ ଲାଗିଥିବା ସିସିଟିଭି ଫୁଟେଜ ଆଧାରରେ ଖଜୁର ପଡ଼ା ଗ୍ରାମ ର ମୁକୁନ୍ଦ ବାଗ ନାମକ ଜଣେ ପୂର୍ବରୁ ବିଭିନ୍ନ ପ୍ରକାର ମାମଲା ଥିବା ଅଭିଯୁକ୍ତ କୁ ଗିରଫ କରିବାରେ ସଫଳ ହୋଇଥିଲେ। ଅଧିକ ତଦନ୍ତ କରିବା ସହ ତା ନାମରେ ପୂର୍ବରୁ ଅନେକ ଏଭଳି ମାମଲା ରୁଜ୍ଜୁ ହୋଇଥିବା ଜଣାପଡିଛି ।
ଚୋରିରେ ବ୍ୟବହୃତ ହୋଇଥିବା ପୋଲିସ ଡ୍ରେସ, ଛୁରୀ, ଗୋଟିଏ ଓପୋ ମୋବାଇଲ, ସହ ନମ୍ବର ବିହୀନ ହୋଣ୍ଡା ଏକଟିଭା ସ୍କୁଟି ଜବତ କରିବା ଏକ ପ୍ରେସ ବିବୃତି ରେ ସୂଚନା ଦିଆଯାଇଛି । ଆଜି ସୋମବାର ଅପରାହ୍ନରେ ଟିଟିଲାଗଡ଼ ଥାନାରେ ଏସଡିପୀଓ ଯଶୋବନ୍ତ ନାରାୟଣ ପ୍ରଧାନି ଓ ଥାନାଧିକାରୀ କଲ୍ୟାଣୀ ବେହେରା ଏକ ସାମ୍ବାଦିକ ସମ୍ମିଳନୀରେ ବିସ୍ତୃତ ବିବରଣୀ ପ୍ରଦାନ କରି ତାକୁ କୋର୍ଟ ଚାଲାଣ କରାଯିବ ବୋଲି ନେଇ ସୂଚନା ଦେଇଛନ୍ତି।
