ମୁନିଗୁଡ଼ା, (୨/୫) : ଆପ୍ର. : ରାୟଗଡା ଜିଲ୍ଲା ଚନ୍ଦ୍ରପୁର ବ୍ଲକ ହନୁମନ୍ତପୁରୁରେ ରସି ଲଗାଇ ଦମ୍ପତ୍ତିଙ୍କ ଆତ୍ମହତ୍ୟା ଅଞ୍ଚଳରେ ଶୋକରଛାୟା ଖେଳିଯାଇଛି ।
ବିବରଣୀରୁ ପ୍ରକାଶ ହନୁମନ୍ତପୁରୁ ଗ୍ରାମ ନୂଆସାହିର କେଦାର କୁସୁଲିଆ(୨୨)ବର୍ଷ ଏବଂ ତାଙ୍କ ସ୍ତ୍ରୀ ଶ୍ରୀୟା ବଡନାୟକ (୧୬) ଵର୍ଷ ଦୁହେଁ ପରସ୍ପର ଭଲପାଇ ଵିବାହ ହୋଇ ଥିଲେ। କାଲି ରାତିରେ ସଵୁଦିନ ପରି ତାଙ୍କ ବେଡ ରୁମରେ ଶୋଇଥିଲେ । ଆଜି ସକାଳ ଆଠଟା ପର୍ଯ୍ୟନ୍ତ ଦୁହେଁ କବାଟ ଖୋଲି ନଥିବାରୁ ପରିବାର ଲୋକ କବାଟ ଖୋଲିଵାକୁ କବାଟ ବାଡୋଇଥିଲେ ମଧ୍ୟ କବାଟ ନ ଖୋଲିଵାରୁ ବାଧ୍ୟ ହୋଇ କବାଟ ଭାଙ୍ଗି ଘର ଭିତରେ ପଶିଥିଲେ । ଘରେ ଉଭୟ ସ୍ବାମୀ ସ୍ତ୍ରୀ ଦ୍ଵୟ ରସି ଲଗାଇ ଆତ୍ମହତ୍ୟା କରି ଛୁଲୁଥିବା ଦେଖି ପୋଲିସକୁ ଖବର ଦେଇଥିଲେ । ଚନ୍ଦ୍ରପୁର ପୋଲିସ୍ ୩/୨୫ ଓ ୪) ୨୫ ପ୍ରକାରେ ଅପମୃତ ମାମଲା ରୁଜୁକରି ଶବ ବ୍ୟବଚ୍ଛେଦ ପାଇଁ ମୁନିଗୁଡା ପଠାଇଛନ୍ତି । ମୃତ୍ୟୁର କାରଣ ଜଣା ପଡିନଥିବା ବେଳେ ପୋଲିସ ତଦନ୍ତ ଜାରିରଖିଥିବା ପୋଲିସ ସୁତ୍ରରୁ ଜଣାପଡିଛି ।
