ସମ୍ବଲପୁର, (୨୪/୦୩) : ଆ.ପ୍ର. : ପୁଣି ବରଗଡ଼ର ଜଣେ ନାବାଳିକାଙ୍କ ହତ୍ୟା ଅଭିଯୋଗ । ବରଗଡ଼ ସହରରୁ ନିଖୋଜ ଥିବା ଜଣେ ନାବାଳିକାଙ୍କ ମୃତ ଦେହ ମିଳିଛି ବୁର୍ଲା ଥାନା ସ୍ଥିତ ପୁରୁଣା ଫିସେରି ଜଙ୍ଗଲରେ l
ଘଟଣାସ୍ଥଳରେ ବୁର୍ଲା ପୋଲିସ ସମେତ ବରଗଡ଼ ଏସଡିପିଓ ଓ ଟାଉନ ଥାନା ଅଧିକାରୀ ପହଞ୍ଚି ଛାନଭିନ କରିଛନ୍ତି । ସେପଟେ ସମ୍ବଲପୁର ସାଇଣ୍ଟିଫିକ ଦଳ ମଧ୍ୟ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି l ସେପଟେ ନାବାଳିକାକୁ ବୁର୍ଲାରେ ହତ୍ୟା କରାଯାଇଛି ନା ବରଗଡ଼ ଜ଼ିଲ୍ଲାରେ ହତ୍ୟା କରି ଏଠାରେ ତାକୁ ଫିଙ୍ଗି ଦିଆଯାଇଛି ତାହା ସ୍ପଷ୍ଟ ହୋଇନାହିଁ l ତେବେ ଏହି ହତ୍ୟା ଘଟଣାରେ ସନ୍ଦେହରେ ବରଗଡ଼ ଜିଲ୍ଲା ଅତାବିରା ଥାନା ଅଞ୍ଚଳର ଜଣେ ଯୁବକଙ୍କୁ ପୋଲିସ ଅଟକ ରଖିଥିବା ଜଣାପଡିଛି ।
