ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଫୁଲବାଣୀ, (୦୮/୦୨) : ଫୁଲବାଣୀ ଜିଲ୍ଲା ସଦର ଥାନା ଅନ୍ତର୍ଗତ ସାର୍ତ୍ତାଗୁଡା ପଞ୍ଚମୂଖୀ ହନୁମାନ ମନ୍ଦିର ନିକଟରୁ ଜଣେ ବ୍ୟକ୍ତିଙ୍କ ଗଳିତ ଶବ ଉଦ୍ଧାର ହୋଇଛି ।
ମୃତକ ଦଧିବାମନ ସାହିର କବି ସାହୁ ବୋଲି ଜଣାପଡିଛି। ତାଙ୍କ ଘର ଫିରିଙ୍ଗିଆ ଅଞ୍ଚଳରେ ହୋଇଥିବାବେଳେ ସେ ଗତ କିଛି ବର୍ଷ ଧରି ଫୁଲବାଣୀରେ ରହୁଥିଲେ । ସେ ଗତ ୧ ତାରିଖରୁ ନିଖୋଜ ଥିଲେ । ଗୁରୁବାର ପରିବାର ଲୋକେ ପଞ୍ଚମୂଖୀ ହନୁମାନ ମନ୍ଦିର ଅଞ୍ଚଳକୁ ଏକ ଭୋଜି କାର୍ଯ୍ୟରେ ଯାଇଥିବାବେଳେ ରାସ୍ତା କଡରେ କବିଙ୍କ ବାଇକ୍ ଥୁଆ ହୋଇଥିବା ଦେଖିବାକୁ ପାଇଥିଲେ । ଆଖପାଖ ଲୋକଙ୍କୁ ପଚାରିବାରୁ ଏହି ବାଇକଟି ଚାରି ପାଞ୍ଚ ଦିନ ହେବ ଏଠାରେ ଥିବା ସେମାନେ କହିଥିଲେ ।
ପରିବାର ଲୋକେ ଏ ନେଇ ଟାଉନ ଥାନାରେ ଏକ ଏତଲା ଦେଇଥିଲେ । ଶୁକ୍ରବାର ସକାଳୁ ପୁଣି ଆସି ଖୋଜାଖୋଜି କରିବା ପରେ ପାହାଡ ଉପରେ କବିଙ୍କ ଗଳିତ ମୃତଦେହ ପଡିଥିବା ଦେଖିବାକୁ ପାଇଥିଲେ । ଅପରପକ୍ଷରେ କବିଙ୍କୁ ହତ୍ୟା କରାଯାଇଥିବା ପୁଅ ଅଭିଯୋଗ ଆଣିଛନ୍ତି । ଏହାର ତଦନ୍ତ କରି ନ୍ୟାୟ ପ୍ରଦାନ ପାଇଁ ସେ ଦାବି କରିଛନ୍ତି ।
