ଟିଟିଲାଗଡ, (୦୩/୦୭) : ଆପ୍ର. : ପବିତ୍ର ହେରାପଞ୍ଚମୀ ଉପଲକ୍ଷେ ଟିଟିଲାଗଡ଼ ମାଉସୀ ମା” ମନ୍ଦିର ପ୍ରାଙ୍ଗଣରେ ଭଜନ ସନ୍ଧ୍ୟା ।
ପବିତ୍ର ରଥଯାତ୍ରା ଅବସରରେ ହେରାପଞ୍ଚମୀ ଉପଲକ୍ଷେ ଟିଟିଲାଗଡ଼ ମାଉସୀ ମା” ମନ୍ଦିର ପ୍ରାଙ୍ଗଣରେ ଟିଟିଲାଗଡ଼ର ପ୍ରତିଷ୍ଠିତ ବ୍ୟବସାୟୀ ତଥା କୃଷକର ସାଥି ସ୍ବର୍ଗତ ଲଛମନଦାସ କେଜ୍ରିୱାଲଙ୍କ ସ୍ମୁତି ଉଦେଶ୍ୟରେ ତାଙ୍କରି କନିଷ୍ଠ ପୁତ୍ର ସମାଜସେବୀ ରାଜେଶ କୁମାର କେଜ୍ରିୱାଲ (ବର୍ତ୍ତମାନ ଭୁବନେଶ୍ୱରରେ ଅବସ୍ଥାପିତ)ଙ୍କ ଆୟୋଜନରେ ପ୍ରଭୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କ ଠାରେ ଅନ୍ନଭୋଗ ଲାଗି କରାଇ ସହସ୍ରାଧିକ ଭକ୍ତ ଓ ଶ୍ରଦ୍ଧାଳୁଙ୍କୁ ଅନ୍ନଭୋଗ ବଣ୍ଟନ କରାଯାଇଥିଲା ଏବଂ ସନ୍ଧ୍ୟା ସମୟରେ ଶୁଖିଲା ଭୋଗ ଲାଗି କରାଇ ବଣ୍ଟନ କରାଯାଇଥିଲା । ଏହି ସନ୍ଧ୍ୟା ସମୟରେ ଶ୍ରୀକ୍ଷେତ୍ର ଭଜନ ସନ୍ଧ୍ୟାର ଆୟୋଜନ କରାଯାଇଥିଲା ।
ଏହି ଶ୍ରୀକ୍ଷେତ୍ର ଭଜନ ସନ୍ଧ୍ୟାର ସତ୍ୱାଧିକାରୀ ସୁନାମଧନ୍ୟ କଣ୍ଠଶିଳ୍ପୀ ଧନେଶ୍ୱର ଦାଶ ଏବଂ ତାଙ୍କରି ସାଥିଙ୍କ ଦ୍ୱାରା ପରିବେଷଣ କରାଯାଇଥିଲା, ଭଜନ ସମ୍ରାଟ ଭିକାରିବଳଙ୍କ ହୃଦୟସ୍ପର୍ଶୀ ଭଜନ ଓ ଜଣାଣ କଣ୍ଠଶିଳ୍ପୀ ଶ୍ରୀ ଦାଶ ଗାନକରି ଶ୍ରୋତାମାନଙ୍କ ହୃଦୟକୁ ଜିଣି ଥିଲେ ଓ ଏହି କାର୍ଯ୍ୟକ୍ରମକୁ ସମସ୍ତ ଜନସାଧାରଣ ଉପଭୋଗ କରିଥିଲେ । ଏହି କାର୍ଯ୍ୟକ୍ରମ ସମୟରେ ଟିଟିଲାଗଡ଼ର ସହକାରୀ ଜିଲ୍ଲାପାଳ ସନ୍ଦୀପ ଚନ୍ଦ୍ରକାର, ଦଧିବାମନ ଟ୍ରଷ୍ଟ ବୋର୍ଡ଼ର ବରିଷ୍ଠ ସଭ୍ୟ ତଥା ପୂବର୍ତନ ନଗରପାଳ ଭବାନୀ ପ୍ରସାଦ ହୋତା, ଟ୍ରଷ୍ଟବୋର୍ଡ଼ର ସଭ୍ୟ ତଥା ଆଇନଜୀବି ସଂଜୀବ କୁମାର ପାଢ଼ୀ, ଆଇନଜୀବି ରାଧାକାନ୍ତ ବେହେରା ପ୍ରମୁଖ ଉପସ୍ଥିତ ଥିଲେ ।
