ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ବାଲେଶ୍ୱର, (୨୧/୦୨) : ମା’ର ପର ପୁରୁଷ ସହ ଥିଲା ଅନୈତିକ ସମ୍ପର୍କ । ଯାହାକୁ ସହିପାରିଲାନି ସାନ ପୁଅ । ଆଇନକୁ ହାତକୁ ନେଇ ଘଟାଇଲା ଜଘନ୍ୟ ଅପରାଧ । ହଁ ଆଜ୍ଞା ପରକୀୟା ପ୍ରୀତି ହେଲା କାଳ ।
ଲୁଚିଛପି ପ୍ରେମ କରୁଥିବା ମା’ ଉପରେ ପୂର୍ବରୁ ହିଁ ପୁଅର ସନ୍ଦେହ ଥିଲା । କିନ୍ତୁ ଆଖି ସାମ୍ନାରେ ଦେଖିବା ପରେ ପୁଅ ସହିପାରିଲାନି ମା’ର ପରକୀୟା ପ୍ରୀତି । କାଠ ଫାଳିଆରେ ପିଟି ପିଟି ମା’କୁ ନିର୍ମମ ଭାବେ ହତ୍ୟା କଲା । ଚୋରା ପୀରତି ଯେ ଏତେ ମହଙ୍ଗା ପଡିବ ତାହା କେବେ ସ୍ୱପ୍ନରେ ସୁଦ୍ଧା ଭାବି ନଥିବ ମା’ । ନୀଳଗିରି ଥାନା ଅଧୀନ ବାଘମରା ଗାଁରେ ଘଟିଛି ଏଭଳି ଏକ ଛାତିଥରା ଘଟଣା । ସୂଚନା ମୁତାବକ ଗତକାଲି ଅପରାହ୍ନରେ ବାଘମରା ଗ୍ରାମର ବିଧବା କଙ୍କିମଣି ସିଂ ଉକ୍ତ ଗ୍ରାମର ବାୟା ନାମକ ଏକ ଯୁବକଙ୍କ ସହିତ ପରକୀୟା ପ୍ରୀତି କରୁଥିବା ସମୟରେ ସାନ ପୁଅ ଦୁର୍ଗା ସିଂ ଦେଖିନେଇଥିଲେ ।
ଯାହା ଫଳରେ ଫଳରେ ସେ ହିତାହିତ ଜ୍ଞାନ ହରାଇ ଘରେ ପଡିଥିବା ଏକ କାଠଫାଳିଆରେ ଗୋଡ଼ାଇ ଗୋଡ଼ାଇ ପିଟିଥିଲା । ଏହା ଦେଖି ତାଙ୍କ ପଡୋଶୀ ସୋମବାରୀ ସିଂ ତାଙ୍କୁ ଅଟକାଇଥିଲେ ମଧ୍ୟ ପୁଅ ମାନିନଥିଲା । ପରେ କଙ୍କିମଣି ସିଂ ଚେତାଶୂନ୍ୟ ହୋଇ ପଡିଯିବା ପରେ ପଡୋଶୀ ମହିଳା ଜଣକ ପାଣି ଆଣି ତାଙ୍କ ମୁହଁରେ ଦେଇଥିଲେ । କିନ୍ତୁ ସେତେବେଳକୁ ତାଙ୍କର ପ୍ରଣବାୟୁ ଉଡ଼ିଯାଇଥିଲା ।
ପରେ ନୀଳଗିରି ପୋଲିସ ଘଟଣା ସ୍ଥଳରେ ପହଞ୍ଚି ପୁଅକୁ ଗିରଫ କରିଛି । ତେବେ ଏ ଘଟଣା ସଂପର୍କରେ ସ୍ଥାନୀୟ ଲୋକଙ୍କ ଠାରୁ ଅବଗତ ହେଲା ପରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି । ଶବ ବ୍ୟବଚ୍ଛେଦ ପାଇଁ ମୃତଦେହ ନୀଳଗିରି ଉପଖଣ୍ଡ ଚିକିତ୍ସାଳୟକୁ ପଠାଇ ତଦନ୍ତ ଆରମ୍ଭ କରିଛି । ଅନ୍ୟପଟେ ଏଭଳି ଏକ ଅପ୍ରୀତିକର ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି ।
