ସୁବର୍ଣ୍ଣପୁର , (୨୧/୦୬) ଆ.ପ୍ର : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକର କୋଶଲ ସେନା ପକ୍ଷରୁ ଏକ ପ୍ରତିନିଧି ଦଳ ଡୁଙ୍ଗୁରିପାଲି, ସରଗୁଲ, ଶୁଖା ଚେରୁପାଲି ମଣ୍ଡିକୁ ପରିଦର୍ଶନ କରିଥିଲେ । କୋଶଲ ସେନାର ପ୍ରତିନିଧି ଦଳ ପ୍ରଥମେ ଡୁଙ୍ଗୁରିପାଲି ମଣ୍ଡି କୁ ଆସି ଚାଷୀ ସହିତ ଆଲୋଚନା କରି ତାଙ୍କର ସମସ୍ୟା ବୁଝିଥିଲେ।
ଚାଷୀ ମାନଙ୍କର ଅଭିଯୋଗ ମୁତାବକ ଦୀର୍ଘ ସାତ ରୁ ଆଠ ଦିନ ହେବ ଧାନ ମଣ୍ଡି ରୁ ଉଠୁନାହିଁ ଯେଉଁଥିପାଇଁ ଚାଷୀ ମାନଙ୍କର ଟୋକନ ଲେପ୍ସ ହେବାରେ ବସିଲାଣି ତେଣୁ ଏହି ସମସ୍ୟା ଉପରେ ଡୁଙ୍ଗୁରିପାଲି ସେବା ସମବାୟ ସମିତି ର ସେକ୍ରେଟେରି ଙ୍କର ସହ ଆଲୋଚନା କରିଥିଲେ। ତାଙ୍କର କହିବା ମୁତାବକ କାଲି ସୁଦ୍ଧା ପ୍ରାୟ ଅଧା ରୁ ଅଧିକ ଧାନ ଉଠିବ ବୋଲି ସେ ପ୍ରତିଶୃତି ଦେଇଥିଲେ। କୋଶଲ ସେନାର ସଦସ୍ୟ ମାନେ ଆର ଏମ ସି ସେକ୍ରେଟାରୀ ପାଖକୁ ଯାଇ ଆର ଏମ ସି ରେ ଥିବା ଗୋଦାମରେ ଚାଷୀ ର ଧାନ ରଖିବା ପାଇଁ କହିଥିଲେ। ଦାବି ମୁତାବକ ଗୋଦାମ ରେ ଚାଷୀମାନେ ଧାନ ରଖିପାରିବେ ବୋଲି କହିଥିଲେ।
କୋଶଲ ସେନ ପକ୍ଷରୁ ମୃତୁଞ୍ଜୟ ମିଶ୍ର, ସରୋଜ ପଧାନ,ଯଦୁମଣି କୁଦେଇ, ମୁରଲୀ ପଧାନ, ଯୁଧିଷ୍ଠିର ଭୁଏ ପ୍ରମୁଖ ମଣ୍ଡି ରେ ଚାଷୀ ଙ୍କର ସମସ୍ୟା ବୁଝି ପ୍ରଶାସନ ସହିତ ଆଲୋଚନା କରିଥିଲେ। ଯଦି ଦିନେ ଦୁଇ ଦିନ ମଧ୍ୟ୍ୟ ରେ ଚାଷୀ ସମସ୍ୟା ସମାଧାନ ନହେଲେ ରାଜ ରାସ୍ତା ରେ ପ୍ରତିବାଦ କରାଯିବ ବୋଲି କୋଶଳ ସେନା ର ସଦସ୍ୟ ମାନେ କହିଥିଲେ।
