ରିପୋର୍ଟ : କ୍ଷମା ସାଗର ଦାଶ୍
ମୁନିଗୁଡ଼ା, (୭/୦୮) : ରାୟଗଡା ମୁନିଗୁଡାର ଆଦିତ୍ୟ ବାହିନୀ ମୁନିଗୁଡା ଶାଖା ଆନୁକୁଲ୍ୟରେ ଗଠିତ ପାଇକସାହି ସ୍ଥିତ ପୁରୁଷୋତ୍ତମ ଭାଗବତ ଟୁଙ୍ଗିର ଚତୁର୍ଥ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି ।
ପୁରୋହିତ ଜଗବନ୍ଧୁ ପଣ୍ଡାଙ୍କ ପୌରାହିତ୍ୟରେ ମଣ୍ଡପ ନିକଟରେ ଷୋଡଶ ଉପଚାର ପୂଜା,ହୋମଯଜ୍ଞ, ଘୃତ ଯଜ୍ଞ, ତୁଳସୀ ଅର୍ପଣ,କଥାଯଜ୍ଞ, ଭାଗବତ ପଠନ,ଅର୍ଣ୍ଣଯଜ୍ଞ ଆଦି ସହ ବିଭିନ୍ନ ପୁଜାର୍ଚ୍ଚନା କରାଯାଇଥିବା ବେଳେ କର୍ତ୍ତା ଭାବେ ଅଭିମନ୍ୟୁ ସାହୁ,ବିନୋଦିନୀ ସାହୁ କାର୍ଯ୍ୟ ତୁଲାଇଥିଲେ l ପରେ ଭାଗବତ ଟୁଙ୍ଗି ମଣ୍ଡପ ଠାରୁ ଗୁଣ୍ଡିଚା ମନ୍ଦିର ଓ ପରେ ରେଳ ଷ୍ଟେସନ ପର୍ଯ୍ୟନ୍ତ ସଂକୀର୍ତନ ମଣ୍ଡଳୀ ସହ ଭବ୍ୟ ନଗର ପରିକ୍ରମା କରାଯାଇଥିଲା। ପରେ ପ୍ରସାଦ ସେବନର ଉତ୍ତମ ବ୍ୟବସ୍ଥା କରାଯାଇଥିଲା । ପରେ ଆଦିତ୍ୟ ବାହିନୀ ମୁନିଗୁଡା ଶାଖାର ବିଭିନ୍ନ ଭାଗବତ ଟୁଙ୍ଗି ମଧ୍ୟରୁ ଅଧିକାଂଶ ଟୁଙ୍ଗିରୁ କର୍ମକର୍ତ୍ତା ଓ ଭକ୍ତ ମାନଙ୍କ ସମାଗମ ହୋଇଥିଲା ।
ଏଥିସହ ଅତିଥି ଭାବେ ଯୋଗ ଦେଇଥିବା ମିନାଝୁଲା ଜନକଲ୍ୟାଣ ଆଶ୍ରମର କ୍ରିୟାଯୋଗୀ ତପସ୍ୱୀ ଜନକା ନନ୍ଦ ଗିରି ଓ ଆଦିତ୍ୟ ବାହିନୀର କର୍ମକର୍ତାଙ୍କୁ ସମ୍ନାନିତ କରିବା ସହ ଉପସ୍ଥିତ ଭକ୍ତ ବୃନ୍ଦଙ୍କୁ ସମ୍ବୋଧିତ କରି ସମସ୍ତଙ୍କର ମନରେ ପରୋପକାରର ଭାବ ଜାଗ୍ରତ କରାଇବା ଓ ଆଧ୍ୟାତ୍ମିକ ଚେତନାରେ ଅନୁପ୍ରାଣିତ ହୋଇ ଆତ୍ମିକ ବିକାଶ କରିବାକୁ ପ୍ରେରଣା ଦେଇଥିଲେ ।
ଉକ୍ତ କାର୍ଯ୍ୟକ୍ରମକୁ ପୁରୁଷୋତ୍ତମ ଭାଗବତ ଟୁଙ୍ଗିର ମୁଖ୍ୟ ଜାମି ମହେଶ,ଭାଗବତ ପ୍ରେମୀ ବଂଶୀଧର ନନ୍ଦ, ଜତ ମହାରଣା, ପ୍ରଭାକର ଲାବଲା, କ୍ଷିତିସ ସାହୁ,ରାମଅବତାର ଅଗ୍ରୱାଲ, ଦିଲ୍ଲୀପ ସୁବୁଦ୍ଧି, ତରଣୀ ବେହେରା ଓ ମହିଳା ସଦସ୍ୟା ସୁଦେଷ୍ନା ଦାସ,ଶାନ୍ତି ପଟ୍ଟନାୟକ, କାଜୋଲ ବାଟବୟାଲ, କୌତୁକି ମାର୍ଥା ପ୍ରମୁଖଙ୍କ ସମେତ ଅନ୍ୟ ସଦସ୍ୟ ମାନେ ଉପସ୍ଥିତ ରହି ପରିଚାଳନା ଓ ସହଯୋଗ କରିଥିଲେ l
