ବଲାଙ୍ଗିର, (୨୨/୦୪) : ଆପ୍ର. : ପାଣିରେ ବୁଡି ନାବାଳକ ପୁଅ ର ଚାଲିଗଲା ଜୀବନ । ଗାଧୋଇବା ପାଇଁ ଚାରି ଜଣ ସାଙ୍ଗ ଯାଇ ଥିବା ବେଳେ ଜଣେ ସାଙ୍ଗ ପାଣିରେ ବୁଡି ଯାଇଥିଲା ।
ଅନ୍ୟ ୩ ଜଣ ସାଙ୍ଗ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ ମଧ୍ଯ ନାବାଳକ ପୁଅର ମୃତ ଘଟିଥିଲା । ତୁରନ୍ତ ଡାକ୍ତରଖାନାରେ ଭର୍ତି କରାଯାଇଥିଲା ବେଳେ ନାବାଳକକୁ ଡାକ୍ତର ମୃତ ଘୋଷଣା କରିଥିଲେ । ସୂଚନା ଅନୁଯାୟୀ ବଲାଙ୍ଗିର ଜିଲ୍ଲା ସଇଁତଲା ଥାନା ଡୁଙ୍ଗୁରିପାଲି ପଂଚାୟତ ସାଉନ୍ତଉପରେ ଗାଁ ନାବାଳକ ଜଣକ ସମ୍ପର୍କୀୟଙ୍କ ବାହା ଘରକୁ ଆସି ଥିଲେ ହେଲେ ଆଜି ଗାଧୋଇବାକୁ ଯାଇ ପାଣିରେ ବୁଡି ନାବାଳକ ପୁଅର ମୃତ୍ଯୁ ଘଟିଛି । ମୃତ ନାବାଳକ ଜଣକ ହେଲେ ବଲାଙ୍ଗୀର ସହର ଆନନ୍ଦ ନଗର ପଡାର ପ୍ରିୟ ଦର୍ଶନ ଜେନା ବୋଲି ଜଣାପଡିଛି । ପ୍ରିୟ ଦର୍ଶନ ଚଳିତ ବର୍ଷ +୨ ଶେଷ ବର୍ଷ ପରୀକ୍ଷା ଦେଇଥିବା ପରିବାର ଲୋକେ କହିଁଥିବା ବେଳେ ପରିବାରର ଏକମାତ୍ର ପୁଅ ବୋଲି ଜଣାପଡିଛି। ସଇଁତଳା ପୋଲିସ ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛି ।
