ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ବାଲେଶ୍ୱର, (୨୧/୦୮) : ପାହାଡ଼ ଉପରୁ ଦମ୍ପିତିଙ୍କ ଗଳିତ ମୃତ ଦେହ ମିଳିଛି । ବାଲେଶ୍ୱର ଜିଲ୍ଲା ଔପଦା ଥାନା ଅନ୍ତର୍ଗତ ଯାତପଦାରେ ଦେବଗିରି ପାହାଡ଼ ଉପରେ ଦମ୍ପତିଙ୍କ ଶବ ପଡ଼ିଥିବା ଦେଖିବାକୁ ମିଳିଛି ।
ମୃତ ଦମ୍ପତି ହେଲେ ହଦ ଗ୍ରାମର ଖୁଣ୍ଟିଆ ମାଝୀ ଓ ତାଙ୍କ ପତ୍ନୀ ପାର୍ବତୀ ମୁର୍ମୁ । ମିଳିଥିବା ସୂଚନା ମୁତାବକ, ହଦ ଗ୍ରାମର ଖୁଣ୍ଟିଆ ମାଝୀ ଓ ତାଙ୍କ ପତ୍ନୀ ପାର୍ବତୀ ମୁର୍ମୁ ଗତ ମଙ୍ଗଳବାର ଠାରୁ ନିଖୋଜ ଥିଲେ । ତାଙ୍କ ଝିଅ ବିଭିନ୍ନ ଆଡ଼େ ଖୋଜା ଖୋଜି କରିବା ପରେ ବନ୍ଧୁ ବାନ୍ଧବଙ୍କୁ ମଧ୍ୟ ପଚରାଉଚରା କରିଥିଲେ । କିନ୍ତୁ ବାପା ମାଆଙ୍କୁ ପାଇ ନ ଥିଲେ । ଗତକାଲି ସନ୍ଧ୍ୟାରେ ଗାଁର କିଛି ଲୋକ ପା ଦେବଗିରି ପାହାଡ଼ ଉପରକୁ ଛେଳି ଚରାଇବାକୁ ଯାଇଥିଲେ । ସେଠାରେ ଦୁର୍ଗନ୍ଧ ହୋଇଥିଲା, ପରେ ଦୁଇଟି ମୃତ ଦେହ ଦେଖିବାକୁ ପାଇଥିଲେ । ଗ୍ରାମବାସୀ ଖବର ପାଇବା ପରେ ଉକ୍ତ ସ୍ଥାନରେ ପହଁଚିଥିଲେ ।
ଦମ୍ପତିଙ୍କ ଝିଅ ବାପା ମାଆ ତାଙ୍କୁ ଚିହ୍ନଟ କରିଥିବା କରିଥିବା ଜଣା ପଡ଼ିଛି । ଖୁଣ୍ଟିଆ ମାଝୀ ପତ୍ନୀ ପାର୍ବତୀ ମୁର୍ମୁଙ୍କୁ ଗତ ଦୁଇ ମାସ ତଳେ ଦ୍ୱିତୀୟ ବିବାହ କରିଥିଲେ ବୋଲି ଜଣା ପଡ଼ିଛି । ତେବେ ମୃତ ଦେହ ପାଖରେ ତାଟିଆ ଓ ଗୋଟିଏ ସାର୍ଟ ପଡ଼ିଥିବାରୁ କେହି ତାଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି । ସ୍ଥାନୀୟ ଲୋକ ଏ ନେଇ ଔପଦା ଥାନାକୁ ଖବର ଦେଇଛନ୍ତି । ଖବର ସଂଗ୍ରହ ବେଳକୁ ପୋଲିସ ପହଁଚି ନ ଥିଲା ।
