ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଭଦ୍ରକ, (୧୯/୧୨) : ପିକଅପ୍ ଭ୍ୟାନରେ ଲଦାଲଦି ହୋଇ ଚାଲାଣ ହେଉଥିଲା ଗୋରୁ। ଅଧାବାଟରେ ମାଡ଼ି ବସିଲା ପୁଲିସ। ଭଦ୍ରକ ଜିଲ୍ଲା ସନ୍ଥିଆ ନିକଟରୁ ୧୭ଟି ଗୋରୁ ଉଦ୍ଧାର କରିଛି ପୁଲିସ ।
ଉଦ୍ଧାର ହୋଇଥିବା ଗୋରୁଙ୍କୁ ଗୋଶାଳାରେ ଛଡାଯିବ ବୋଲି ଜଣାଯାଇଛି । ଵନ୍ତରୁ ଏକ ପିକଅପ ଭ୍ୟାନ ଗୋରୁ ଚାଲାଣ ହେଉଥିବା ପୁଲିସ କୌଣସି ସୁତ୍ରରୁ ଖବର ପାଇଥିଲା । ଭଦ୍ରକ ଜିଲ୍ଲା ପୁରୁଣା ଵଜାର ପୁଲିସ ସନ୍ଥିଆ ନିକଟରେ ପିକଅପ ଭ୍ୟାନଟିକୁ ଅଟକାଇଥିଲା। ଗାଡ଼ି ଯାଞ୍ଚ ବେଳେ ଗାଡ଼ିରୁ ୧୭ଟି ଗୋରୁ ଉଦ୍ଧାର କରିଥିଲା । ଏହି ଘଟଣାରେ ପୁଲିସ ୨ ଜଣଙ୍କୁ ଗିରଫ କରିଛି । ଏଥିସହ ଗାଡ଼ିକୁ ଜବତ କରିବା ସହ ଘଟଣାର ତଦନ୍ତ କରୁଛି । ଗୋରୁ ମାନଙ୍କୁ ଅତି ଦୟନୀୟ ଅବସ୍ଥାରେ ଏକ ପିକ୍ ଭ୍ୟାନରେ ଚାଲାଣ କରାଯାଉଥିବାରୁ ସେମାନଙ୍କ ଅବସ୍ଥା ଗୁରୁତର ରହିଛି । ପଶୁ ଡାକ୍ତର ଡକାଯାଇ ଗୋରୁ ମାନଙ୍କର ଚିକିତ୍ସା କରାଯାଇଛି । ଚିକିତ୍ସା ପରେ ଉଦ୍ଧାର ହୋଇଥିବା ଗୋରୁଙ୍କୁ ଗୋଶାଳାରେ ଛଡାଯିବ ବୋଲି ସୂଚନା ରହିଛି ।
