ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
କଣ୍ଟାବାଞ୍ଜି, (୧୦/୦୨) : କଣ୍ଟାବାଞ୍ଜି ସହର ରାଜ୍ୟ ରାଜପଥ ୪୨ର ଗୋରୁବଜାର ନିକଟରେ ଏକ ପିକନିକ୍ ଗାଡି ସହ ଏକ ବାଇକର ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକର ଘଟଣାସ୍ଥଳରେ ଗୁରୁତର ହୋଇପଡିଥିଲେ ।
ତାଙ୍କୁ ତୁରନ୍ତ କଣ୍ଟାବାଞ୍ଜି ଡାକ୍ତରଖାନାକୁ ଅଣାଯିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ବାଇକ ଚାଳକ କଣ୍ଟାବାଞ୍ଜି ଥାନା ଘଣାମହୁଲ ଗାଁର ଧନୀରାମ ଜାଲ ବୋଲି ଜଣାପଡିଛି । ଧନୀରାମ କଣ୍ଟାବାଞ୍ଜିରୁ ନିଜ ଗାଁକୁ ଯାଉଥିବାବେଳେ ବଙ୍ଗୋମୁଣ୍ଡାରୁ ପିକନିକ୍ ଗାଡି ଦ୍ରୁତଗତିରେ ଆସୁଥିବାବେଳେ ମୁହାଁମୁହିଁ ଧକ୍କା ହୋଇଥିଲା । ପିକନିକ୍ ଗାଡି ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ପୁଲିସ ସୂତ୍ରରୁ ଜଣାପଡିଛି । ପୁଲିସ ଗାଡିକୁ ଜବତ କରି ତଦନ୍ତ କରିବା ଆରମ୍ଭ କରିଦେଇଛି ।
ଅନ୍ୟପଟେ ମୃତଙ୍କ ପରିବାର ଓ ଗାଁ ଲୋକେ ଗାଡି ମାଲିକ ନ ଆସିବା ପର୍ଯ୍ୟନ୍ତ ଶବ ବ୍ୟବଛେଦ କରାଇ ଦେଇ ନଥିବା ଯୋଗୁଁ, କଣ୍ଟାବାଞ୍ଜି ପୁଲିସ ପଞ୍ଚନାମା କରି ଶବକୁ ଡାକ୍ତର ଖାନରେ ରଖିଛି । ଆସନ୍ତାକାଲି ବ୍ୟବଛେଦ କରାଯିବ ବୋଲି ତଦନ୍ତକାରୀ ପୁଲିସ ଏସଆଇଙ୍କ ସୂତ୍ରରୁ ଜଣାପଡିଛି । ପରିବାର ଲୋକେ କ୍ଷତି ପୂରଣ ଦାବି କରିଛନ୍ତି ।
