ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୧/୧) : ଆଜି ପୁଟାସିଂ ଅଞ୍ଚଳ ଉନ୍ନୟନ ପରିଷଦ ତଥା ଫୁଟାସିଂ ପି ଭି ଟି ଜି ଲାଞ୍ଜିଆ ସଉରା ଉନ୍ନୟନ କମିଟି ତରଫରୁ ପୁଟାସିଂ କୁ ସ୍ବତନ୍ତ୍ର ବ୍ଲକ ମାନ୍ୟତା ଦାବୀରେ ଏକ ଶୋଭାଯାତ୍ରାର ଆୟୋଜନ କରାଯାଇଥିଲା ।
ପୁଟାସିଂ ଓ ଆଖପାଖ ୮ଟି ପଞ୍ଚାୟତର ହଜାର ହଜାର ପୁରୁଷ ଓ ମହିଳା ଗୁଣପୁର ବାଳିକା ବିଦ୍ୟାଳୟ ଠାରୁ ଏକ ବିଶାଳ ଶୋଭାଯାତ୍ରା ରେ ବିହାରି ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଥିଲେ । ସେଠାରେ ମୂଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ପୁଟାସିଂକୁ ବ୍ଲକ ମାନ୍ୟତା ଦାବୀ ନେଇ ଏକ ସ୍ମାରକପତ୍ର ଉପଜିଲ୍ଲାପାଳ କିରନଦୀପ କୈାର ସହୋତା ଙ୍କୁ ପ୍ରଦାନ କରାଯାଇଥିଲା । ବିଶେଷ କରି ଲାଞ୍ଜିଆ ସଉରା କ୍ଲଷ୍ଟର ଅନ୍ତର୍ଗତ ଆବଡା, ଶଗଡା, ପୁଟାସିଂ, ଟଲଣା, ଜଲତାର, ଚିନାସାରି, କୁଲୁସିଂ ,ଟିଟିମିରି ଏବଂ ଭିମପୁର ସମସ୍ତ ନଅ ଗୋଟି ପି ଭି ଟି ଜି ଗ୍ରାମ ପଞ୍ଚାୟତକୁ ନେଇ ଏକ ନୂତନ ପଞ୍ଚାୟତ ସମିତି, ଫୁଟାସିଂ ଗଠନ ପାଇଁ ଦାଵି ଯୋର ଧରିଛି ।
ବର୍ତମାନ ଏହି ନଅଟି ପଞ୍ଚାୟତ ଠାରୁ ଗୁଣପୁର ବ୍ଲକ କାର୍ଯ୍ୟାଳୟ ୨୦ ରୁ ୩୦ କିଲୋମିଟର ଦୂରତା ରହିଛି । ଜନସଂଖ୍ୟା ଓ ଭୌଗଳିକ ଦୃଷ୍ଟି କୋଣରୁ ପୁଟାସିଂ କୁ ଏକ ନୂତନ ବ୍ଲକ ଘୋଷଣା କରିବାର ଆବଶ୍ୟକତା ରହିଛି । ଆଜିର ଏହି କାର୍ଯ୍ୟକ୍ରମକୁ ଫୁଟାସିଂ ଉନ୍ନୟନ ପରିଷଦର ସଭାପତି ମାଥ୍ୟୁ ଦଳବେହେରା ପରିଚାଳନା କରିଥିବା ବେଳେ ସରପଞ୍ଚ ଏସିଅ ଶବର, ଜିଲ୍ଲା ପରିଷଦ ସଭ୍ୟା (ଏଜୋନ) ଲକ୍ଷ୍ମୀ ଶଵର, ଗାନୁ ଗମାଙ୍ଗ ପ୍ରମୁଖ ସହଯୋଗ କରିଥିଲେ ।
