ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
କଳାହାଣ୍ଡି, (୨୬/୦୧) : ରକ୍ତ ସମ୍ପର୍କରେ ଲାଗିଛି ରକ୍ତର ଛିଟା । ପାରିବାରିକ କଳହକୁ କେନ୍ଦ୍ର ନିଜର ହିତାହିତ ଜ୍ଞାନ ଭୁଲି ଯାଇଛି ପୁତୁରା ।
ନିଜର ବଡ଼ ବାପା ଏବଂ ବଡ଼ ମାଆଙ୍କୁ ଟାଙ୍ଗିଆରେ ହାଣି ନିର୍ମମ ଭାବେ ହତ୍ୟା କରିଛି ପୁତୁରା । ଏଭଳି ଏକ ଜଘନ୍ୟ ଅପରାଧ ଘଟଛି କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଦଶପୁର ଥାନା କାର୍ଲି ଗାଁରେ । ମୃତ ବ୍ୟକ୍ତି ହେଲେ ବୁଡୁ ବାଗ ଓ ତାଙ୍କର ସ୍ତ୍ରୀ। ଅଭିଯୁକ୍ତ ପୁତୁରା ବସନ୍ତକୁ ପୋଲିସ ଅଟକ ରଖିଛି । ଗୋଲାମୁଣ୍ଡା ଥାନା ଅନ୍ତର୍ଗତ କାର୍ଲି ଗ୍ରାମର ବୁଡ଼ୁ ବାଗ ଓ ତାଙ୍କ ସାନ ଭାଇଙ୍କ ମଧ୍ୟରେ କିଛି ଦିନ ହେବ ତିକ୍ତତା ଦେଖାଦେଇଥିଲା । ଆଜି ଏହି କଳହ ଅତି ଉଗ୍ର ରୂପ ଧାରଣ କରିଥିଲା । ଉଭୟ ବଡ଼ ବାପା ଏବଂ ପୁତୁରାଙ୍କ ମଧ୍ୟରେ ବଚସା ହୋଇଥିଲା । ଝଗଡ଼ା ମଧ୍ୟରେ ପୁତୁରା ବସନ୍ତ ବୁଡୁଙ୍କୁ ଏକ କୁରାଢ଼ୀରେ ମରଣାନ୍ତକ ଆକ୍ରମଣ କରିଥିଲା । ଏମିତି ବଡ଼ ମାଆଙ୍କୁ ମଧ୍ୟ ଆକ୍ରମଣ କରିଥିଲା । ଫଳରେ ଘଟଣା ସ୍ଥଳରେ ହିଁ ଉଭୟଙ୍କ ପ୍ରାଣ ବାୟୁ ଉଡ଼ି ଯାଇଥିଲା ।
ସ୍ଥାନୀୟ ଲୋକେ ଏ ନେଇ ଗୋଲାମୁଣ୍ଡା ପୋଲିସକୁ ଖବର ଦେଇଥିଲେ । ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି। ଏହା ସହିତ ହତ୍ୟାକାଣ୍ଡରେ ବ୍ୟବହୃତ କୁରାଢ଼ୀ ଜବତ କରିବା ସହ ଅଭିଯୁକ୍ତ ବସନ୍ତକୁ ଗିରଫ କରିଛି । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
