ରିପୋର୍ଟ : ପ୍ରଣତି ସାବତ
କାଶୀନଗର,(୨୮/୧୦) : ଗଜପତି ଜିଲ୍ଲା କାଶୀନଗର ବ୍ଲକ୍ ର ରାଣୀ ପେଣ୍ଠ ଗ୍ରାମ ପଞ୍ଚାୟତ ଜିଲ୍ଲା ସଦର ମହକୁମା ର ଅତି ନିକଟ ଅଟେ । ଗତ ସାଧାରଣ ନିର୍ବାଚନ ରେ ଏହି ପଞ୍ଚାୟତ ରୁ ପୂର୍ବତନ କଂଗ୍ରେସ ବିଧାୟକ ଶ୍ରୀ କେ. ସୁର୍ଯ୍ୟା ରାଓ କଂଗ୍ରେସ ଟିକେଟ ହତେଇବାରେ ସକ୍ଷମ ହୋଇଥିଲେ ।
ଡ.ତିରୁପତି ପାଣିଗ୍ରାହୀ ସ୍ଵାଧୀନ ପ୍ରାର୍ଥୀ ଭାବେ ନିର୍ବାଚନ ରେ ଅବତୀର୍ଣ୍ଣ ହେବା, ବିଜେଡି ନାରାୟଣ ରାଓ ଙ୍କ ଟିକେଟ କାଟି ରାଣୀ କଲ୍ୟାଣୀ ଦେବୀ ଙ୍କ ଟିକେଟ ଦେବାରେ ପାରଳା ବିଧାନସଭା ଆସନ ଟି ଚତୁର ମୁଖୀ ପ୍ରତିଦ୍ୱନ୍ଦିତା ହୋଇଥିଲା । ରାଜନୀତି ରେ କିଏ କାହାର ଶତ୍ରୁ ନାହିଁ । ଏହି ଉକ୍ତି ଟି ଏଠାରେ ଠିକ୍ କାମ କରିଛି । ଆଜି ସନ୍ଧ୍ୟା ରେ ଡ୍.ତିରୁପତି ପାଣିଗ୍ରାହୀ ଓ ତାଙ୍କ ରାଜନୈତିକ ପ୍ରତିଦ୍ୱନ୍ଦୀ ପୂର୍ବତନ କଂଗ୍ରେସ ବିଧାୟକ କେ. ସୁର୍ଯ୍ୟ ରାଓ ଙ୍କ ମଧ୍ୟରେ ପୂର୍ବତନ ବିଧାୟକ ଙ୍କ ବାସ ଭବନ ଠାରେ ବିଜେଡ଼ି ସଭାପତି ପ୍ରଦୀପ ନାୟକ,ବିଜେଡ଼ି ଜିଲ୍ଲା ଉପ ସଭାପତି କେ. ମାଧୁ,କାଶୀନଗର ଟାଉନ୍ ସଭାପତି ରଘୁରାମ ସାହୁ ଆହୁରି ବହୁ ନେତା ପହଞ୍ଚି ଶ୍ରୀ ରାଓ ଙ୍କ ସହ ଆଲୋଚନା କରିଥିଲେ ।
ଆଗାମୀ ପଞ୍ଚାୟତ ନିର୍ବାଚନ ରେ ସମସ୍ତେ ମିଳିମିଶି କାମ କରି ବିଜେଡ଼ି କୁ ମଜବୁତ୍ କରିବାକୁ ଆଲୋଚନା ହୋଇଥିଲା । ଶ୍ରୀ ରାଓ ମଧ୍ୟ ଆଲୋଚନାରେ ଭାଗ ନେଇଥିଲେ । ରାଣୀ ପେଣ୍ଠ ପଞ୍ଚାୟତ ବିଜେଡ଼ି ହାତ କୁ ଯିବା ପାଇଁ ସମସ୍ତ ଯୋଜନା ହୋଇଥିବା ଜଣା ଯାଇଛି । ସମୟ କଣ କହିବ ଦେଖିବାକୁ ବାକି ରହିଲା | ଅନ୍ୟ ମାନଙ୍କ ମଧ୍ୟରେ ବ୍ଲକ୍ ସଭାପତି ଅର୍.ରାମ ପ୍ରସାଦ,ଗବାରା ତୀରୁ ପତି ରାଓ, ସି ଏଚ୍ ଲୋକ ନାଥ ଉପସ୍ଥିତ ଥିଲେ ।
