ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୧/୨) : ମୁରିବାହାଲ ବ୍ଲକ ସରକାରୀ ପ୍ରାଥମିକ ବିଦ୍ୟାଳୟ କର୍ଲାପିଟା ପ୍ରଧାନ ଶିକ୍ଷକ ଶ୍ରୀ ବିରାଜ କୁମାର ମହାନ୍ତି ଅବସର ଗ୍ରହଣ କରିଛନ୍ତି l
ଏହି ଅବସରରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା l ମୁଖ୍ୟ ଅତିଥି ରୂପେ ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମାର ପଢିଆରି ଯୋଗଦେଇ ଫାଇନାଲ ପେନସନ ଏବଂ ଡିସିଆରଜି ପ୍ରଦାନ କରିଥିଲେ l ଶ୍ରୀ ମହାନ୍ତି ଶିକ୍ଷାଦାନ ପ୍ରତି ପ୍ରତିବଦ୍ଧତା, ବିଦ୍ୟାଳୟ ପ୍ରତି ସମର୍ପି ମନଭାବ ଥିଲା l ଫୁଲଗୁଛ ଓ ଉପଢୌକନ ଦେଇ ସମ୍ମାନିତ କରିଥିଲେ l ଶ୍ରୀ ମହାନ୍ତି ଶିକ୍ଷକ ସମାଜ ରେ ଏକ ମୂର୍ତ୍ତିମନ୍ତ ଆଲୋକବର୍ତ୍ତିତା ସେ ଜଣେ ବଳିଷ୍ଠ ସଂଗଠକ |ମୁରିବାହାଲ ବ୍ଲକ ଶିକ୍ଷା ସଂଘର ସେ ଅପ୍ରତିଦ୍ବନ୍ଦି ସମ୍ପାଦକ ଥିଲେ l ସେ ଗତ ତା ୩୦ /୩/୧୯୯୫ ରେ ତେନ୍ତୁଳୀଖୁଣ୍ଟି ପ୍ରକଳ୍ପ ଉ.ପ୍ରା ବିଦ୍ୟାଳୟ ରେ ନିଯୁକ୍ତି ହୋଇ ତା ମାର୍ଚ୍ଚ ୨୦୦୬ ରୁ ସରକାରଙ୍କ ନିର୍ଦେଶ କ୍ରମେ ସରକାରୀ ପ୍ରାଥମିକ ବିଦ୍ୟାଳୟ କର୍ଲାପିଟା ବଦଳି ହୋଇ ପ୍ରଧାନ ଶିକ୍ଷକଙ୍କ ଦାଇତ୍ୱ ଦକ୍ଷତାର ସହିତ ପ୍ରତିବାଦନକରି ତା ୩୧/୦୧/୨୫ ଦିନ ନିଜ କର୍ତ୍ତବ୍ୟରୁ ଅବସର ଗ୍ରହଣ କରିଥିଲେ l ସେ ଜଣେ ମେଳାପୀ ଛାତ୍ର ବତ୍ସଲ, ପରୋପକାରୀ, ଶିଖକ ଥିଲେ l ସେ ବିଭିନ୍ନ ସଂଗଠନ ସହ ଓତଃ ପ୍ରୋତଃ ଭାବରେ ଜଡିତ l
ଏହି ସମ୍ବର୍ଦ୍ଧନା ସଭାରେ ଛାତ୍ରଛାତ୍ରୀ, ଶିକ୍ଷକଶିକ୍ଷୟିତ୍ରୀ, ଅଭିଭାବକ ଭାବବିହ୍ଵଳ ହୋଇପଡ଼ିଥିଲେ l ଆଗାମୀ ଜୀବନ ସୁଖମୟ ଓ ସମୃଦ୍ଧିମୟ ହେଉ ବୋଲି କାମନା କରିଥିଲେ l ଶ୍ରୀ ମହାନ୍ତିଙ୍କ ପାଖରେ ପଢ଼ିଥିବା ପୁରାତନ ଛାତ୍ରଛାତ୍ରୀ,ଅଭିଭାବକ ଓ ଶିକ୍ଷକ ମାନେ ବଜାଗଜା କରିବାସହ ନିଜ ଗାଁ ତେନ୍ତୁଳୀଖୁଣ୍ଟି ଘର ପର୍ଯ୍ୟନ୍ତ ଆଣିଛାଡିଥିଲେ l ଗାଁ ରେ ପହଞ୍ଚିଲାପରେ ଗ୍ରାମବାସୀ କୀର୍ତ୍ତନ, ଘଣ୍ଟ ବାଦ୍ୟ ସହ ସ୍ୱାଗତ ସମ୍ବର୍ଦ୍ଧନା କରି ପାଛୋଟି ଆଣିଥିଲେ l
