ପାଟଣା, (୦୫/୦୫) : ଆପ୍ର. : ଶନିବାର ଅପରାହ୍ନରେ କେନ୍ଦୁଝର ଜିଲ୍ଲା ପାଟଣା ବ୍ଲକ ଅଞ୍ଚଳରେ କାଳବୈଶାଖୀ ବର୍ଷା ସହ ଘଡଘଡି ପବନ ହୋଇଥିଲା ।
ଏହି ସମୟରେ ପାଟଣା ତହସିଲ ଅନ୍ତର୍ଗତ କେନ୍ଦେଇପଶି ଆରଆଇ ସର୍କଲ ମହିଁଷାମୁଣ୍ଡି ଗ୍ରାମର ରବିନ୍ଦ୍ର ନାଏକଙ୍କ ଗାଈ ବଜ୍ରପାତରେ ପ୍ରାଣ ହରାଇଛି । ଗାଈଟି ପଡ଼ିଆରେ ଚରୁଥିବାବେଳେ ବଜ୍ରପାତର ଶିକାର ହୋଇଥିଲା । ରବୀନ୍ଦ୍ର ଜଣେ ଗରିବ ଚାଷୀ ହୋଇଥିବାରୁ ତାଙ୍କୁ କ୍ଷତି ପୂରଣ ଯୋଗାଇ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି । ସରକାରୀ ଗାଇଡ ଲାଇନ ଅନୁଯାୟୀ ତାଙ୍କୁ ସହାୟତା ଯୋଗାଇ ଦିଆଯିବ ବୋଲି କେନ୍ଦେଇପଶି ଆରଆଇ ମଧୁ ସେଠୀ କହିଛନ୍ତି ।
