ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୨୪/୦୧) : ଆଜି ଅଦ୍ୟ ତାରିଖ – ୨୩.୦୧.୨୦୨୫ ରିଖ ପ୍ରାତଃ ୮.୦୦ ଘଣ୍ଟିକା ସମୟରେ ରାୟଗଡା ବନାଞ୍ଚଳ ତରଫରୁ ବନାଞ୍ଚଳ ସ୍ତରୀୟ ଜଙ୍ଗଲ ନିଆଁ ନିବାରଣ ସଚେତନତା ଉପଲକ୍ଷେ ମୋଟର ସାଇକେଲ ରାଲି ଅନୁଷ୍ଠିତ ହୋଇଥିଲା ।
ଏହି ମୋଟର ସାଇକେଲ ରାଲି କୁ ବନଖଣ୍ଡ ଅଧିକାରୀ ଶ୍ରୀ ସଚିନ ଆନ୍ନାସାହେବ ଓହୋଲ ଓ ଉପ ବନ ସଂରକ୍ଷକ ଶ୍ରୀ ସଂଦୀପ କୁମାର ପୃଷ୍ଟି ଓ ବନାଞ୍ଚଳ ଅଧିକାରୀ ଶ୍ରୀ କମେଶ୍ଵର ଆଚାରୀ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି ମୋଟର ସାଇକେଲ ର।ଲି ଗୁମ୍ମା ସେକ୍ସନ ର ଗୁମ୍ମା ଗ୍ରାମ ଠାରୁ ଆରମ୍ଭ ହୋଇ ରାୟଗଡା ସେକ୍ସନର ବୈରାଗିହାଲୁବା ଗ୍ରାମ ଦେଇ କୋମତାଳପେଟା ସେକ୍ସନ ର ମାଳୀଗାଁ ଠାରେ ଶେଷ ହୋଇଥିଲା ।
ଏଥି ମଧ୍ୟରେ କୋଦୁପଡୁ, ହାଲୁବା, ସଂକେଶ, ଶିରିକୋଣ।, ମାଲିପଡ଼।,, ତାଡମ।, ଚିନ୍ତାଳୀଗୁଡା , ପିତମହାଲ, ହଁସା, ପଣାସାହି, ଜିମିଡିପେଟା, ବୈରାଗୀ ହାଲୁବା, ପିପିଲିଗୁଡା , ମୀରାବାଲି , ପାଣିଛତ୍ର , ରୁପୁଣି, ଭୋଇମୋଡା, ରେଖାପଦର, କୈଳାଶପୁର, ଲିଂଗାଗୁଡା, ପଦା ଲେକାପାଇ , ଗୌଡ ଲେଲିବାଡି , କୋଲନର, ଅମଲାଭଟ୍ଟା, କଦଳୀଗୁଡା, ଗୌଡଗୁଡା, କନ୍ଧମାଳୀଗାଓଁ ଗ୍ରାମ ଗୁଡିକରେ ବନକର୍ମଚାରୀ ମାନେ ଜଙ୍ଗଲ ନିଆଁ ନିବାରଣ ସଚେତନତା ବାର୍ତ୍ତା ଦେଇଥିଲେ ।
ଏହି ବାର୍ତ୍ତା ରେ ଆଗାମୀ ଗ୍ରୀଷ୍ମ ଋତୁ ରେ ଜଙ୍ଗଲ ନିଆଁ କୁ କିପରି ନିୟନ୍ତ୍ରଣ ଓ ନିବାରଣ କରିବା ଓ ଜଙ୍ଗଲ ରେ କିପରି ନିଆଁ ନ ଲାଗିବ ସେ ଉପରେ ପ୍ରୟାସ ଓ ସେଥିରେ ବନ ବିଭାଗ କୁ ସହଯୋଗ କରିବାକୁ ଲୋକମାନଙ୍କୁ ଅନୁରୋଧ କରାଯାଇଥିଲା । ଏହା ସହ ଜଙ୍ଗଲ ନିଆଁ ଦ୍ବାରା ଜଙ୍ଗଲ ର କ୍ଷତି ଓ ତା ଦ୍ବାରା ମାନବ ସମାଜ ଉପରେ କି କୁପ୍ରଭାବ ପଢେ ସେ ଉପରେ ଗ୍ରାମବାସୀ ଙ୍କ ସହ ଆଲୋଚନା କରାଯାଇଥିଲା ଓ ଆଗାମୀ ଦିନ ମାନଙ୍କରେ ଜଙ୍ଗଲ ନିଆଁ କିପରି ସମ୍ପୂର୍ଣ ବନ୍ଦ କରାଯାଇ ପାରିବ ସେ ବିଷୟରେ ଉପରୋକ୍ତ ଗ୍ରାମବାସୀ ଙ୍କୁ ମାର୍ଗଦର୍ଶନ କରାଯାଇଥିଲା ।
ଏହି ମୋଟର ସାଇକେଲ ର।ଲି ରେ ୫ ଜଣ ବନପାଳ, ୧୧ ଜଣ ବନରକ୍ଷୀ, ୩୦ ଜଣ ପାରା ବନ କର୍ମଚାରୀ ଭାଗ ନେଇଥିଲେ । ଏହି କାର୍ଯକ୍ରମ ଟି ରାୟଗଡା ବନପାଳ ଶ୍ରୀ ଗୌରି ଶଙ୍କର ସାହୁ , ଗୁମ୍ମା ବନପାଳ ଶ୍ରୀ ଡମ୍ବରୁଧର ନାୟକ ଓ କୋମତାଳପେଟ ବନପାଳ ଶ୍ରୀ ପ୍ରଦ୍ୟୁମ୍ନ କୁମାର ବେହେରା ଙ୍କ ଦ୍ବାରା ସୁ ପରିଚାଳିତ ହୋଇଥିଲା ।
