ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଯାଜପୁର, (୦୨/୦୩) : ବନ୍ଧୁକ ଦେଖାଇ ସୁନାଗହଣା ଲୁଟ୍ ହୋଇଛି । ଯାଜପୁର ଧର୍ମଶାଳା ଥାନା ରାଉତରାପୁର ନିକଟରୁ ଲୁଟିନେଲେ ସୁନା ଅଳଙ୍କାର ଭର୍ତ୍ତି ବ୍ୟାଗ ।
ଗତକାଲି ରାତିରେ ସୁନା ବ୍ୟବସାୟୀ ଉପେନ୍ଦ୍ର ସାହୁ ଦୋକାନ ବନ୍ଦ କରି ଘରକୁ ଫେରୁଥିବାବେଳେ ବନ୍ଧୁକ ଦେଖାଇ ଅଟକାଇଥିଲେ ୫ରୁ ୬ ଜଣ ଦୁର୍ବୃତ୍ତ । ବ୍ୟାଗରେ ପ୍ରାୟ ୧୫୦ ଗ୍ରାମ ସୁନା ଅଳଙ୍କାର ଥିବା ସୂଚନା ମିଳିଥିବା ବେଳେ କିଛି କାଗଜ ପତ୍ର ମଧ୍ୟ ଦୁବୃର୍ତ୍ତ ମାନେ ନେଇ ଯାଇଛନ୍ତି । ଘଟଣାସ୍ଥଳରେ ଧର୍ମଶାଳା ଓ ବ୍ରହ୍ମବରଦା ଥାନା ପୋଲିସ ପହଞ୍ଚି ତଦନ୍ତ ଚଳାଇଛି । କିଛି ଦିନ ହେବ ଧର୍ମଶାଳା ଅଞ୍ଚଳରେ ବାରମ୍ବାର ଲୁଟ ହେଉଥିବା ବେଳେ ଚୋରି ରାହାଜାନୀ ବଢ଼ି ଚାଲିଛି । ଯାହାକୁ ନେଇ ସାଧାରଣରେ ଅସନ୍ତୋଷ ବୃଦ୍ଧି ପାଉଛି ।
