ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୧/୦୩) : ପ୍ରାବନ୍ଧିକ, ବରିଷ୍ଠ ସାମ୍ବାଦିକ ଗୋରେଖନାଥ ସାହୁଙ୍କ ଦୁଇଟି ପୁସ୍ତକ ‘ଗୋରେଖନାଥ ସାହୁଙ୍କ ପ୍ରବନ୍ଧମାଳା’ ଓ ତାଙ୍କ ଆତ୍ମଜୀବନୀ ‘ବୈଶାଳୀ’ ଶ୍ରୀ ଶ୍ରୀ ଯୋଗେଶ୍ୱର ମନ୍ଦିର ଯୋଗ ବିହାର ପ୍ରାଙ୍ଗଣରେ ଉନ୍ମୋଚିତ ହୋଇଯାଇଛି ।
ବରିଷ୍ଠ ସାମ୍ବାଦିକ ଗୋରେଖନାଥ ସାହୁଙ୍କ ଦୁଇଟି ପୁସ୍ତକ ଉନ୍ମୋଚିତ । ଏହି ପୁସ୍ତକ ଉନ୍ମୋଚନ କାର୍ଯ୍ୟକ୍ରମ ତାଙ୍କ ସ୍ୱର୍ଗତ ପିତା ପିତବାସ ସାହୁଙ୍କ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଅନୁଷ୍ଠିତ ହୋଇଥିଲା । ପ୍ରବନ୍ଧମାଳା ‘ବର୍ଣ୍ଣାଳୀ’ର ସଂକଳନ ଓ ସଂପାଦନା କରିଛନ୍ତି ଲେଖିକା ଓ କବୟତ୍ରୀ ପ୍ରାଧ୍ୟାପିକା ମୀନା ମହାରଣା । ପୁସ୍ତକ ଦୁଇଟି ଯଥାକ୍ରମେ ୬୦୦ ଓ ୫୦୦ ପୃଷ୍ଟା ବିଶିଷ୍ଟ । ପ୍ରବନ୍ଧମାଳା ପୁସ୍ତକ ବର୍ଣ୍ଣାଳୀ ହେଉଛି ଦୀର୍ଘ ଅର୍ଦ୍ଧଶତାବ୍ଦୀର ବିଭିନ୍ନ ପତ୍ର ପତ୍ରିକାରେ ପ୍ରକାଶିତ ପ୍ରବନ୍ଧମାଳାର ସମାହାର ଏବଂ ଆତ୍ମଜୀବନୀ ‘ବୈଶାଳୀ’ ପୁସ୍ତକ ହେଉଛି ଦୀର୍ଘ ଏକ ଶତାବ୍ଦୀର ସତ୍ୟସଂମୂର୍ଣ୍ଣ ଘଟଣାବଳୀର ସମାହାର । ପୁସ୍ତକ ‘ବର୍ଣ୍ଣାଳୀ’ ତାଙ୍କ ବଡଝିଅ ଓ ‘ବୈଶାଳୀ’ ସାନ ଝିଅଙ୍କ ନାମାନୁସାରେ ନାମିତ ।
ଏହି ଉପଲକ୍ଷେ ଅନୁଷ୍ଠିତ ସାଧାରଣ ସଭାରେ ବଡ ଭଉଣୀ ଶତାୟୁ କୁମୁଦିନୀ ଦାଶ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ସଭାରେ ଲେଖକ ଗୋରେଖନାଥ ସାହୁ ଅଧ୍ୟକ୍ଷତା କରିଥିଲେ ଏବଂ ବାବା ନରୋତ୍ତମ ଦାସ, ସମାଜସେବୀ ଗୋରେଖଲାଲା ଦାସ, ଶ୍ରୀକାନ୍ତ ମହାରଣା, ପ୍ରାଧ୍ୟାପିକା ମୀନା ମହାରଣା, ଲକ୍ଷ୍ମୀ ନାରାୟଣ ସାହୁ, ଅବସରପ୍ରାପ୍ତ ବ୍ୟାଙ୍କ ମେନେଜର ଗଜାନନ ମହାପାତ୍ର ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ସଭାରେ ବକ୍ତାମାନେ ଲେଖକ ଶ୍ରୀ ସାହୁଙ୍କ ସାରସ୍ୱତ ସାଧନା ସଂପର୍କରେ ଆଲୋକପାତ କରିଥିଲେ ଏବଂ ଶେଷରେ ମିଥୁନ କୁମାର ସାହୁ ଧନ୍ୟବାଦ ଦେଇଥିଲେ ।
