ବଲାଙ୍ଗିର, (୨୯/୦୩-ଆପ୍ର): ଜିଲ୍ଲା ପ୍ରଶାସନ ଆନୁକୂଲ୍ୟରେ ଗର୍ଭାବସ୍ଥାରେ ଗର୍ଭନିରୂପଣ ଆକ୍ଟ ଏବଂ “ବେଟି ବଚାଓ, ବେଟି ପଢାଓ” ଅଭିଯାନକୁ ନେଇ ଜିଲ୍ଲା ସମାଜ ମଙ୍ଗଳ ବିଭାଗ ତରଫରୁ ସଚେତନତା ରାଲି ଏବଂ ଜିଲ୍ଲାସ୍ତରୀୟ କର୍ମଶାଳା ଅନୁଷ୍ଠିତ ହୋଇଥିଲା।
ଏହି ଅବସରରେ ସଚେତନତା ରାଲି ଅନୁଷ୍ଠିତ ହୋଇଥିଲା, ଯେଉଁଥିରେ ସମସ୍ତ ବ୍ଲକର CDPO, ସୁପରଭାଇଜର, ମମତା ପ୍ରୋଗ୍ରାମ ଏସିଷ୍ଟାଣ୍ଟ, DSWO, ପ୍ରୋଗ୍ରାମ ଅଫିସର, ଅଙ୍ଗନୱାଡି କର୍ମୀ ଯୋଗଦେଇଥିଲେ। ଏହି ସଚେତନତା ଅଭିଯାନ ଅଧୀନରେ ଏକ ସଚେତନତା ରଥ ମଧ୍ୟ ପ୍ରସ୍ଥାନ କରିଥିଲା।
ପ୍ରଭାବୀ ଜାଗୃକତା ଏବଂ ଶିକ୍ଷା ସୁନିଶ୍ଚିତ କରିବାକୁ ଗଙ୍ଗସାଗର ହାଇସ୍କୁଲ (ପାଟଣାଗଡ), ସଇଁତଲା, ରାମଚନ୍ଦ୍ରପୁର, ଆଶ୍ରମ ସ୍କୁଲ ଏବଂ ଚୂଡାପାଲି ଆଶ୍ରମସ୍କୁଲରେ “ଗର୍ଭାବସ୍ଥାରେ ଗର୍ଭନିରୂପଣ ଆକ୍ଟ” ବିଷୟରେ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା ଏବଂ ବିଜୟୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା।
ଗାନ୍ଧୀ ଗ୍ରାମ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବ୍ଲକ ସ୍ତରୀୟ ଶିକ୍ଷଣ ଉପକରଣ କର୍ମଶାଳା
ଜିଲ୍ଲାସ୍ତରୀୟ କର୍ମଶାଳାରେ ମୁଖ୍ୟ ଅତିଥି ଭାବରେ ଅତିରିକ୍ତ ଜିଲ୍ଲାପାଳ ଡଃ ବିଜୟାନନ୍ଦ ସେଠୀ ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ଜିଲ୍ଲା ସମାଜ ମଙ୍ଗଳ ଅଧିକାରିଣୀ ଶ୍ରୀମତୀ ସୁଷମା ମହାପାତ୍ର, ବିଷୟ ବିଶେଷଜ୍ଞ ଡଃ ସଞ୍ଜୟ କୁମାର ମିଶ୍ର (କେଭି କଲେଜର ପ୍ରଫେସର) ଏବଂ ଡଃ ସୁଧା ବାର୍ଲା ଯୋଗଦେଇଥିଲେ।
ଡଃ ସୁଧା ବାର୍ଲା “କନ୍ୟା ଭ୍ରୁଣହତ୍ୟା” ସମ୍ପର୍କିତ ଆଇନ ଏବଂ ସ୍ୱାସ୍ଥ୍ୟ ବିଭାଗର ନିୟମ ବିଷୟରେ ବିସ୍ତୃତ ଭାବରେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମର ଅନ୍ତେ ସୁଜାତା ଦୋରା ଧନ୍ୟବାଦ ଜଣାଇଥିଲେ ଏବଂ ମମତାର ଜିଲ୍ଲା ସଂଯୋଜିକା ଶିବାନୀ ଠାକୁର କାର୍ଯ୍ୟକ୍ରମ ପରିଚାଳନା କରିଥିଲେ।
