ବାରଙ୍ଗ, (୨୩/୦୫) : ଆପ୍ର. : ବାଇକକୁ ଧକ୍କା ଦେଇ ଚାପିଦେଲା ଅଜଣା ଗାଡ଼ି । ଗାଡ଼ି ଧକ୍କାରେ ଚାଲିଗଲା ଦୁଇ ଯୁବକଙ୍କ ଜୀବନ । ଏଭଳି ଘଟଣା ଘଟିଛି ବାରଙ୍ଗ ଥାନା ମୁଣ୍ଡଳୀ ନିକଟରେ ।
ଦୁଇ ଜଣ ଯୁବକ ଏକ ବାଇକରେ ଆଠଗଡ଼ ପଟୁ ମୁଣ୍ଡଳୀ କେନାଲ ବନ୍ଧ ରାସ୍ତାଦେଇ ଗୋଡ଼ିସାହି ଆଭିମୁଖେ ଆସୁଥିଲେ । ଏହି ସମୟରେ କୌଣସି ଏକ ଅଜଣା ଭାରିଯାନ ତାଙ୍କୁ ଧକ୍କା ଦେଇଥିଲା । ଯାହାଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ଘଟିଥିବା ଜଣାପଡିଛି । ଘଟଣା ସ୍ଥଳରୁ ଦୁର୍ଘଟଣା ଘଟାଇ ଗାଡ଼ିଟି ଫେରାର ହୋଇଯାଇଛି । ଦୁଇ ମୃତକଙ୍କ ମଧ୍ୟରୁ ଜଣଙ୍କ ପରିଚୟ ମିଳିଛି । ଖବର ଅନୁଯାୟୀ ଢେଙ୍କାନାଳ ସଦର ଥାନା କନମୁର୍ଗା ଅଞ୍ଚଳର ସମିର ରାଉତ ବୋଲି ସୂଚନା ମିଳିଛି । ଘଟଣାସ୍ଥଳରେ ଗୋଡିସାହି ଫାଣ୍ଡି ଅଧିକାରୀ ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ ଜାରି ରଖିଛନ୍ତି ।
