ଢେଙ୍କାନାଳ, (୨୭/୦୫) : ଆପ୍ର. : ସ୍ବାମୀ ଓ ପୁଅ ଆଗରେ ଚାଲିଗଲା ମାଆର ଜୀବନ । ଢେଙ୍କାନାଳ ଜିଲ୍ଲା ଆନନ୍ଦ ନଗର ଛକର ୫୫ ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା ଘଟିଛି ।
ବାପା, ମାଆ ଓ ଛୁଆ ବାଇକରେ ଯାଉଥିବାବେଳେ ପଛପଟୁ ଧକ୍କା ଦେଲା ତେଲ ଟ୍ୟାଙ୍କର । ମହିଳାଙ୍କ ମୃତ୍ୟୁ ହୋଇଥିବାବେଳେ ସ୍ବାମୀ ଗୁରୁତର ଅଛନ୍ତି । ଅଳ୍ପକେ ବର୍ତ୍ତିଯାଇଛି ଦେଢ଼ବର୍ଷର ଶିଶୁ । ସେମାନଙ୍କ ଘର ବଣସିଂହ ଗାଁ’ରେ । ଦୁର୍ଘଟଣାରେ ପରେ ଉତ୍ତେଜନା ପ୍ରକାଶ ପାଇଛି । ୫୫ ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି ସ୍ଥାନୀୟ ଲୋକ ।
