ରିପୋର୍ଟ : ଗୋପୀନାଥ ଗୌଡ଼ //
ରାୟଗଡ଼ (୧୪/୧୨): ରାୟଗଡ଼ ଜିଲ୍ଲା କୋଲନରା ବ୍ଲକ ଅନ୍ତର୍ଗତ ଭୁଜବଳ MITS କଲେଜ୍ ନିକଟ ବାଇକ୍ ଧକ୍କାରେ ଚାଳିଗଲା ବୃଦ୍ଧଙ୍କ ଜୀବନ। ବୃଦ୍ଧ ଜଣକ ହେଲେ ଭୁଜବଳ ଗ୍ରାମର ରାମଚନ୍ଦ୍ର ନାୟକ, ବୟସ ୫୮। ସେ ସ୍ଥାନୀୟ ଜେକେ କାଗଜ କଳରେ କାମ କରି ଅବସର ଗ୍ରହଣ କରି ସାରିଛନ୍ତି।
ସ୍ଥାନୀୟ ଲୋକଙ୍କ କହିବାନୁଯାୟୀ ପ୍ରତ୍ୟେକ ଦିନ ଭଳି ରାମଚନ୍ଦ୍ର ନାୟକ ପ୍ରାତଃ ଭ୍ରମଣ କରିବା ପାଇଁ ଘରରୁ ବାହାରିଥିଲେ। ଅଚାନକ ସାମ୍ନା ପଟୁ ଗୋଟିଏ ବାଇକ୍ ଆସି ରାମ ଚନ୍ଦ୍ର ନାୟକଙ୍କୁ ଧକ୍କା ଦେଇଥିଲା। ଦୁର୍ଘଟଣା ଏତେ ଭୟାବହ ଥିଲା ରାମ ଚନ୍ଦ୍ର ନାୟକ ଙ୍କ ଶରୀରରୁ ରକ୍ତର ଧାର ବୋହିବା ଦେଖିବାକୁ ମିଳିଥିଲା।
ଅତ୍ୟଧିକ ରକ୍ତ ବୋହିଯିବା ଏବଂ ମୁଣ୍ଡରେ ଆଘାତ ଲାଗି ଥିବାରୁ ଘଟଣା ସ୍ଥଳରେ ହିଁ ଟଳି ପଡ଼ିଥିଲେ ରାମ ଚନ୍ଦ୍ର ନାୟକ। ଅନ୍ୟପଟେ ବାଇକ୍ ଚାଳକ ମଧ୍ୟ ଟିକିଏ ଆହତ ହୋଇ ରାୟଗଡ଼ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି ବୋଲି ସ୍ଥାନୀୟ ବାସିନ୍ଦା କହିଛନ୍ତି। ବାଇକ୍ ଚାଳକ ଜଣକ ହେଲେ ଈଶ୍ୱର ଉଲ୍ଲାକା ବୟସ ୨୫ ,ମୁକୁନ୍ଦପୁର ଗ୍ରାମର ଜଗନ୍ନାଥପୂର୍ ରହନ୍ତି। ତେବେ ବର୍ତ୍ତମାନ୍ ସୁଦ୍ଧା ଘଟଣା ସମ୍ପର୍କରେ ପୁଲିସ୍ ପକ୍ଷରୁ କୌଣସି ପ୍ରକାର ସବିଶେଷ ତଥ୍ୟ ମିଳି ପାରି ନାହିଁ।
