ବାଲିଗୁଡା, (୨୦/୦୫) : ଆପ୍ର. : ବନ୍ଦ କୋଠରୀରେ ୬ଦିନ ଗଣଦୁଷ୍କର୍ମ । କନ୍ଧମାଳ ଜିଲ୍ଲା ବାଲିଗୁଡାରେ ଚାଞ୍ଚଲ୍ୟ। ଯୁବତୀଙ୍କୁ ଅପହରଣ ପରେ ବନ୍ଦ କୋଠରୀରେ ୬ଦିନ ଧରି ଗଣଦୁଷ୍କର୍ମ କରିଛନ୍ତି ଅଟୋ ଡ୍ରାଇଭର ଓ ଦୁଇ ସହଯୋଗୀ ।
ଅଭିଯୋଗ ଅନୁଯାୟୀ, ଗତ ୧୧ ତାରିଖ ଦିନ ମେଡିସିନ କିଣିବାକୁ ବାଲିଗୁଡା ସହରକୁ ଆସିଥିଲେ ଯୁବତୀ । ମେଡିସିନ କିଣି ସାରିବା ପରେ ଯୁବତୀ ଜଣକ ଅଟୋରେ ଯାଉଥିଲେ । ଡ୍ରାଇଭର ଜଣକ ଗାଁକୁ ନେବା ବଦଳରେ ବଳପୂର୍ବକ ଏକ ଭଡ଼ାଘରକୁ ଅପହରଣ କରିନେଇଥିଲା । ପରେ ଅଟୋ ଡ୍ରାଇଭର ଓ ତାର ଦୁଇ ସହଯୋଗୀ ଯୁବତୀଙ୍କୁ ୬ଦିନ ରଖି ବାରମ୍ବାର ଗଣଦୁଷ୍କର୍ମ କରିଥିଲେ । ଘର ପାଖରେ ଥିବା କିଛି ଲୋକଙ୍କୁ ସନ୍ଦେହ ହେବାରୁ ପୋଲିସକୁ ଖବର ଦେଇଥିଲେ । ପୋଲିସ ଭଡା ଘରେ ଚଢ଼ାଉ କରି ଯୁବତୀଙ୍କୁ ଉଦ୍ଧାର କରିଥିଲା । ଏହାସହ ଅଟୋ ଡ୍ରାଇଭର ଓ ଦୁଇ ସହଯୋଗୀଙ୍କୁ ଗିରଫ କରିଛି ବାଲିଗୁଡା ପୋଲିସ ।
