ରିପୋର୍ଟ : ବିଭୂତି ଲହରିଆ
ବାଲିଗୁଡା, (୨୪/୧୨) : ପ୍ରଭୁଯୀଶୁ ଖ୍ରୀଷ୍ଟ ଧରାବତରଣ ଉପଲକ୍ଷେ ବାଲିଗୁଡା ସହର ସମେତ କୋଟଗଡ, ତୁମୁଡିବନ୍ଧ, କ ନୂଆଗାଁ ବ୍ଲକ ସମେତ ବିଭିନ୍ନ ଅଞ୍ଚଳ ରେ ଆନନ୍ଦ ଉଲ୍ଲାସ ର ସହିତ ବଡଦିନ ପାଳିତ ହୋଇଛି ।
ଖ୍ରୀଷ୍ଟ ଧର୍ମାବଲମ୍ବୀ ଭାଇଭଉଣୀ ମାନଙ୍କର ଗୋଟିଏ ବର୍ଷର ଅପେକ୍ଷା ର ଅନ୍ତ ଘଟିଛି । ପ୍ରଭୁ ଯୀଶୁଖ୍ରୀଷ୍ଟ ଙ୍କ ଆଗମନ ରେ ଶ୍ରଦ୍ଧାଳୁ ମାନେ ବିଭିନ୍ନ ଚର୍ଚ୍ଚ ଉପାସନା ଗୃହରେ ସମବେତ ହୋଇ ମଧ୍ୟ ରାତ୍ର ପ୍ରାର୍ଥନା କୋରେଲ ଗାନ ସହିତ ଦିବ୍ୟ ଯଜ୍ଞ ଅନୁଷ୍ଠିତ ହୋଇଛି । ବଡଦିନ ଉପଲକ୍ଷେ ଚର୍ଚ୍ଚ ଉପାସନ ଗୃହ ଗୁଡିକ ରେ ଆଲୋକ ମାଳା ରେ ସୁସଜ୍ଜିତ ହୋଇ ଝଲସୁଛି । ପ୍ରଭୁ ଯୀଶୁ ଖ୍ରୀଷ୍ଟ ଜନ୍ମଦିନ ଅବସରରେ ଶ୍ରଦ୍ଧାଳୁ ମାନେ ବିଭିନ୍ନ ଚର୍ଚ୍ଚ ଗୁଡିକରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଛି ।
ବଡଦିନ ଉପଲକ୍ଷେ ବାଲିଗୁଡା ପୋଲିସ ପକ୍ଷରୁ ବାଲିଗୁଡା ଓ ବାରଖମା ରେ ଫ୍ଲାଗ ମାର୍ଚ୍ଚ ଅନୁଷ୍ଠିତ ହୋଇଛି । ବାଲିଗୁଡା ଏସଡିପିଓ କମଳ କୁମାର ପଣ୍ଡା ଙ୍କ ନେତୃତ୍ୱ ରେ ବାଲିଗୁଡା ଓ ବାରଖମା ରେ ବଡଦିନ କୁ ଶାନ୍ତି ଶୃଙ୍ଖଳାରେ ପାଳନ ପାଇଁ ପୋଲିସ ପକ୍ଷରୁ ଫ୍ଲାଗ ମାର୍ଚ୍ଚ ଅନୁଷ୍ଠିତ ହୋଇଛି । ବାଲିଗୁଡା ଥାନା ଅଧିକାରୀ ସୁଶାନ୍ତ କୁମାର ସାହୁ ସମେତ ପୋଲିସ ଅଧିକାରୀ, ଡିବିଏଫ, ସିଆରପି ଫୋର୍ସ ବାଲିଗୁଡା ସହର ଓ ବାରଖମା ରେ ପୋଲିସ ଫୋର୍ସ ଫ୍ଲାଗ ମାର୍ଚ୍ଚ ରେ ଅଂଶଗ୍ରହଣ କରିଥିଲେ ।
ବଡଦିନକୁ ଶାନ୍ତି ଶୃଙ୍ଖଳାର ସହିତ ଖ୍ରୀଷ୍ଟ ଭାଇ ଭଉଣୀ ମାନେ ପ୍ରଭୁ ଯୀଶୁ ଖ୍ରୀଷ୍ଟ ଙ୍କ ଧରାବତରଣ ଉଛବ ପାଳନ ପାଇଁ ପୋଲିସ ପକ୍ଷରୁ କଡା କଡ଼ି ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସେହିପରି ସହର ର ମୂଖ୍ୟ ଛକ ମାନଙ୍କ ରେ ପୋଲିସ ପକ୍ଷରୁ ତନଖି କରାଯାଉଛି । ବାଲିଗୁଡା, ବାରଖମା ସମେତ ବିଭିନ୍ନ ଅଞ୍ଚଳ ରେ ଥିବା ଗୀର୍ଜା, ପ୍ରାର୍ଥନା ଗୃହ ମାନଙ୍କ ରେ ମଧ୍ୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବା ବାଲିଗୁଡା ଥାନା ଅଧିକାରୀ କହିଛନ୍ତି । ବଡଦିନ ପର୍ବ ବାଲିଗୁଡା ସହରସମେତ ବିଭିନ୍ନ ଅଞ୍ଚଳ ରେ ଧୂମଧାମ ରେ ପାଳିତ ହୋଇଛି ।
