ରିପୋର୍ଟ : ବିଭୂତି ଲହରିଆ
ବାଲିଗୁଡା, (୨୦/୮) : କନ୍ଧମାଳ ଜିଲ୍ଲା ରେ ଗତ କିଛି ଦିନ ହେବ ସାମାଜିକ ଗଣମାଧ୍ୟମ ରେ ଘୁରି ବୁଲୁଥିବା ଏକ ଗୁଜବ କୁ ନେଇ ବାଲିଗୁଡା ଥାନାରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଅଛି l
ବାଲିଗୁଡା ଉପଖଣ୍ଡ ଆରକ୍ଷୀ ଅଧିକାରୀ ରାହୁଲ ଗୋଏଲ ଙ୍କ ଅଧ୍ୟକ୍ଷତା ଏକ ଜରୁରୀ କାଳୀନ ଶାନ୍ତି କମିଟି ବୈଠକ ଅନୁଷ୍ଠିତ ହୋଇଅଛି l ଏଥିରେ ବାଲିଗୁଡା ତହସିଲଦାର ଦୀପ୍ତି ପ୍ରକାଶ ବେହେରା, ଜିଲ୍ଲା ପରିଷଦ ଅଧକ୍ଷ୍ୟା ନନ୍ଦିନୀ ମଳିକ, ବାଲିଗୁଡା ଆଇଆଇସି ସୁଶାନ୍ତ ସାହୁ ଙ୍କ ସମେତ ସବୁ ଧର୍ମ ର ନେତୃ ମଣ୍ଡଳୀ, କୁଇକୁଳ ସମିତି ର ସଦସ୍ୟ ଓ ବୁଦ୍ଧିଜୀବୀ ଓ ଲୋକ ପ୍ରତିନିଧି ଉପସ୍ଥିତ ରହିଥିଲେ l ଗତ କିଛି ଦିନ ହେବ କନ୍ଧମାଳ ଜିଲ୍ଲା ରେ ସାମ୍ପ୍ରଦାୟିକ ଦଙ୍ଗା ର ପରିସ୍ଥିତି ସୃଷ୍ଟି ହୋଇଥିବା ନେଇ ସାମାଜିକ ଗଣମାଧ୍ୟମ ରେ ଗୁଜବ ପ୍ରକାଶ ପାଇଛି l
କିଛି ଅସାମାଜିକ ବ୍ୟକ୍ତି ଓ ଗୋଷ୍ଠୀ ନିଜର ବ୍ୟକ୍ତିଗତ ସ୍ୱାର୍ଥ କୁ ଚରିତାର୍ଥ କରିବାକୁ ଯୋଜନାବଦ୍ଧ ଭାବେ ହିନ୍ଦୁ ଓ ଖ୍ରୀଷ୍ଟିଆନ ଧର୍ମ କୁ ନେଇ ଗୁଜବ ସୃଷ୍ଟି କରି ବିଦ୍ବେଷ ଓ ବିଭାଜନ କରି ଦଙ୍ଗା ସୃଷ୍ଟି କରୁଥିବା ପୋଲିସ ପକ୍ଷରୁ କୁହାଯାଇଛି l ତେଣୁ କନ୍ଧମାଳ ର ଶାନ୍ତି ସଦଭାବନା ଓ ଭାଇଚାରା ଭଙ୍ଗ କରିବାକୁ ସାମାଜିକ ଗଣମାଧ୍ୟମ ରେ ସୃଷ୍ଟି ମିଥ୍ୟା ଗୁଜବ ଠାରୁ ନିବୃତ ରହିବା ପାଇଁ ସମସ୍ତ ଜନସାଧାରଣ ଙ୍କୁ ବାଲିଗୁଡା ପୋଲିସ ଓ ଶାନ୍ତି କମିଟି ଜରିଆରେ ନିବେଦନ କରାଯାଇଛି l
