ରିପୋର୍ଟ : ବିଭୂତି ଲହରିଆ
ବାଲିଗୁଡା, (୭/୧) : ବାଲିଗୁଡା ନଗର ବିଜେପି ପକ୍ଷରୁ ବିଜୁ ପଟନାୟକ ମିନି ଷ୍ଟାଡିଅମ ଠାରେ ଉଚ୍ଚଶିକ୍ଷା ଓ କ୍ରୀଡା ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୁରଜ ଙ୍କୁ ସ୍ୱାଗତ କରାଯାଇଛି।
ଜିଲ୍ଲା ସଭାପତି ଜଗନ୍ନାଥ ସାହୁ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ପଦ୍ମଚରଣ ଦାସ, କନ୍ଧମାଳ ସାଂସଦ ଙ୍କ ନଗର ପ୍ରତିନିଧି ଆଦିକନ୍ଧ ପଟନାୟକ, ବ୍ଲକ ସାଂସଦ ପ୍ରତିନିଧି ରଂଜିତ ସାହୁ, ବରିଷ୍ଠ ନେତା ଦିଗାମ୍ବର ପାଣିଗ୍ରାହୀ, ରଂଜିତ ଚୌଧୁରୀ,ସୁରେନ୍ଦ୍ର ପାତ୍ର ସମେତ ଯୁବ ମୋର୍ଚ୍ଚା କାର୍ଯ୍ୟକର୍ତ୍ତା ମନ୍ତ୍ରୀ ଙ୍କୁ ପୁଷ୍ପ ଗୁଚ୍ଛ ଓ ଉତ୍ତରୀୟ ପ୍ରଦାନ କରି ସ୍ୱାଗତ ଓ ସମ୍ବର୍ଦ୍ଧନା ଜଣାଇଥିଲେ | ପରେ ବିଜୁ ପଟନାୟକ ମିନି ଷ୍ଟାଡିଅମ ର ବିକାଶ କାର୍ଯ୍ୟ ନିମନ୍ତେ ଉପଖଣ୍ଡ କ୍ରୀଡା ସଂସଦ ପକ୍ଷରୁ ମନ୍ତୀ ସୂର୍ଯ୍ୟବଂଶୀ ସୁରଜ ଙ୍କ ସହିତ ଆଲୋଚନା କରିଥିଲେ । ସେହିପରି ଆଦିବାସୀ ମହାବିଦ୍ୟାଳୟ ର ବିଭିନ୍ନ କାର୍ଯ୍ୟ ନେଇ ଛାତ୍ର ଛାତ୍ରୀ ଦାବୀ ପତ୍ର ପ୍ରଦାନ କରିଥିଲେ । ପରେ ମନ୍ତ୍ରୀ କଳାହାଣ୍ଡି ଜିଲ୍ଲା ଗସ୍ତରେ ବାହାରିଥିଲେ ।
