ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୬/୩) : ରାଜ୍ୟ ସରକାର ମାର୍ଚ୍ଚ ୫ ତାରିଖ , ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜନ୍ମ ଜୟନ୍ତୀ ରେ ସରକାରୀ ଛୁଟି ବାତିଲ ପ୍ରତିଵାଦରେ ଆଜି ଗୁଣପୁର ଠାରେ ଏକ ପ୍ରତିବାଦ ସଭାରେ ଆୟୋଜନ କରାଯାଇଥିଲା ।
ଗତକାଲି ଗୁଣପୁର ବିଜୁ ଜନତା ଦଳର ପକ୍ଷରୁ ବିଜୁ ବାବୁଙ୍କ ୧୦୯ ତମ ଜନ୍ମ ଜୟନ୍ତୀ ମହା ଆଡ଼ମ୍ବରରେ ପାଳନ କରାଯାଇଥିଲା । ଗୁଣପୁର ନୂତନ ବସଷ୍ଟାଣ୍ଡ ନିକଟରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତୀରେ ପୂର୍ବତନ ବିଧାୟକ ରଘୁନାଥ ଗମାଙ୍ଗ ଓ ବହୁ ଦଳିୟ ନେତା ଓ କର୍ମୀ ଉପସ୍ଥିତ ରହି ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜଣାଇବା ସହ ଦେଶ ଓ ଜାତିପ୍ରତି ବିଜୁବାବୁଙ୍କ ଅବଦାନ ସ୍ମରଣ କରିଥିଲେ । ପରେ ଚିକିତ୍ସାଳୟରେ ରୋଗିଙ୍କୁ ଫଳ ବଣ୍ଟା ଯାଇଥିଲା । କିନ୍ତୁ ଆଜି ରାଜ୍ୟ ସରକାରଙ୍କ ପଞ୍ଚାୟତିରାଜ ଦିବସକୁ ଅପ୍ରେଲ ୨୪ ରେ ପାଳନ ଓ ବିଜୁ ଜୟନ୍ତୀରେ ସରକାରୀ ଛୁଟି ବାତିଲ ବିରୁଦ୍ଧରେ ଏକ ପ୍ରତିବାଦ ସଭାର ଆୟୋଜନ କରାଯାଇଥିଲା । ବିଜୁବାବୁଙ୍କ ପ୍ରତିମୂର୍ତ୍ତୀ ତଳେ ଆଜି ବିଜେଡି ନେତା ଓ କର୍ମୀ ଏକାଠି ହୋଇ ବିଜେପି ସରକାରର ନିଷ୍ପତ୍ତି ବିରୁଦ୍ଧରେ ଵର୍ଷିଥିଲେ ।
ରାଜ୍ୟ ସରକାର ବିଜୁ ଜୟନ୍ତୀକୁ ପଞ୍ଚାୟତିରାଜ ଦିବସ ରୂପେ ପାଳନ ନ କରିବା ନିଷ୍ପତ୍ତି ଓଡ଼ିଶାବାସୀଙ୍କ ପାଇଁ ଏକ ଉପହାସ ବୋଲି କହିବା ସହ ବିଜେପିକୁ ରଙ୍ଗଵଦଳା ସରକାର ବୋଲି ତାତ୍ସଲ୍ୟ କରିଥିଲେ । ବିଜେପି ସରକାରର ଏଭଳି ନିଷ୍ପତ୍ତିକୁ ଓଡ଼ିଶାବାସୀ ସହିଵେନି, ତେବେ ଆଗକୁ ଏପରି ଭୁଲ ନିଷ୍ପତ୍ତିକୁ ଆଦୈ । ବରଦାସ୍ତ କରାଯିବ ନାହିଁ ବୋଲି ବିଜେଡ଼ି ନେତାମାନେ ଚେତାବନୀ ଦେଇଥିଲେ । ଆଜିର ଏହି ପ୍ରତିବାଦ ସଭାରେ ପୂର୍ବତନ ବିଧାୟକ ରଘୁନାଥ ଗମାଙ୍ଗ, ଅଶ୍ଵିନୀ ଗମାଙ୍ଗ, ଏସ୍ ବାବା ପ୍ରସାଦ, ମୁନା ପାଣି, ଗଗନ ଆଚାର୍ଯ୍ୟ, ବିଷ୍ଣୁ ପଣ୍ଡା, ଏସିଅ ଶଵର ସମେତ ବିଜେଡ଼ିର ବହୁ ନେତା ଓ କର୍ମୀ ଯୋଗଦେଇଥିଲେ । ତେବେ ବିଜେଡି ନେତା ଙ୍କ ଏହି ପ୍ରତିବାଦ ସଭା ରାଜ୍ୟ ସରକାରଙ୍କ ଉପରେ କି ପ୍ରଭାବ ପକାଉଛି ଦେଖିବାକୁ ବାକି ରହିଲା ।
