ସୁବର୍ଣ୍ଣପୁର, (୨୬/୦୫) : ଆପ୍ର. : ବିଦ୍ୟୁତ ଖୁଣ୍ଟକୁ ଧକ୍କା ଦେଇ ଓଲଟିଲା କାର୍ । ନାବାଳକ ସମେତ ୩ ଗୁରୁତର ।
ଦୁର୍ଘଟଣାଗ୍ରସ୍ତ କାର୍ ଭିତରୁ ମିଳିଲା ଦେଶୀ ବନ୍ଧୁକ ଓ ଜୀବନ୍ତ ଗୁଳି । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ମାଟିଖାଇ ନୂଆବସ୍ତି ନିକଟରେ ଦୁର୍ଘଟଣା ଘଟିଛି। ଗତକାଲି ବିଳମ୍ବିତ ରାତିରେ ସୁବର୍ଣ୍ଣପୁରରୁ ସମ୍ବଲପୁର ଅଭିମୁଖେ କାର୍ ଯାଉଥିଲା। ମାଟିଖାଇ ନିକଟରେ ବିଦ୍ୟୁତ ଖୁଣ୍ଟରେ ମାଡ ହୋଇ ଗାଡିଟି ଓଲଟି ପଡିଥିଲା। ୩ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି। ପୋଲିସର ତଦନ୍ତ ବେଳେ ଗାଡି ଭିତରୁ ବନ୍ଧୁକ ଓ ଗୁଳି ଜବତ ହୋଇଛି। ଗାଡି ଭିତରେ ବନ୍ଧୁକ ଓ ଗୁଳି କଣ ପାଇଁ ଥିଲା ସେନେଇ ତନାଘନା କରୁଛି ପୋଲିସ।
