କେନ୍ଦୁଝର, (୧୪/୦୫) : ଆପ୍ର. : ବିଦ୍ୟୁତ ତାର ସଂସ୍ପର୍ଶରେ ଆସିି ଚାଲିଗଲା ମାଆ ଓ ପୁଅର ଜୀବନ। ମାଆ ଲୁଗା ଶୁଖାଉଥିବା ବେଳେ ଅଘଟଣ । ବୋହୂ ଓ ନାତିକୁ ବଞ୍ଚାଇବାକୁ ଯାଇ ଶାଶୁ ଗୁରୁତର ।
କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ସାହାରପୁର ଗାଁର ଅଭାବନୀୟ ଘଟଣା। ମୃତକ ହେଲେ ଗାଁ’ର ସୌମ୍ୟରଞ୍ଜନ ବେହେରାଙ୍କ ସ୍ତ୍ରୀ କଳ୍ପନା ମହାକୁଡ଼ ଏବଂ ୨ବର୍ଷର ପୁଅ ଶୁଭ୍ରଜିତ ବେହେରା । ସୂଚନା ଅନୁଯାୟୀ, କଳ୍ପନା ନିଜ ଘର ଅଗଣାରେ ଲୁଗା ଶୁଖାଉଥିବା ବେଳେ ପାଖରେ ଯାଇଥିବା ଇଲେକ୍ଟ୍ରି ତାରରେ ଲାଗିଯାଇଥିଲା । କରେଣ୍ଟ ଲାଗି କଳ୍ପନା ଚିତ୍କାର କରବାରୁ ପାଖରେ ଥିବା ୨ବର୍ଷର ଶିଶୁପୁତ୍ର ମାଆକୁ ଛୁଇଁଥିଲା । କରେଣ୍ଟ ଲାଗି ଉଭୟଙ୍କ ମୃତ୍ୟୁ ଘଟିଛି । ବୋହୂ ଓ ନାତିକୁ ବଞ୍ଚାଇବାକୁ ଯାଇ ସୌମ୍ୟଙ୍କ ମାଆ ଶାନ୍ତିଲତା ବେହେରା ଗୁରୁତର ହୋଇଥିଲେ । ତାଙ୍କୁ ଧରଣୀଧର ମେଡିକାଲରେ ଭର୍ତ୍ତି କରାଯାଇଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
